პარტია გირჩი განცხადებას ავრცელებს, სადაც ნათქვამია, რომ თავდაცვისთვის გამოყოფილი სახსრები მშპ-ის დაახლოებით 2 პროცენტს შეადგენს და ამიტომ ისინი მხარს უჭერენ თავდაცვის ბიუჯეტის ეტაპობრივ ზრდას, მშპ-ის 5 პროცენტადე:

"ძლიერი თავდაცვა უსაფრთხოებისა და კეთილდღეობის აუცილებელი პირობაა. ჩვენი უსაფრთხოების სისტემის მთავარი გამოწვევა, მცირე ეკონომიკა და შეზღუდული რესურსებია და არა იმ ადამიანების ნაკლებობა, ვინც მზადაა საკუთარი სურვილით იარაღით ხელში დაიცვას ქვეყანა.

პარტიაში მიიჩნევენ, რომ სავალდებულო "საყარაულო სამსახური" უნდა გაუქმდეს:

"ეს სისტემა არის ლეგალიზებული მონობა, არის უკიდურესად არაეფექტური და ეკონომიკურად გაუმართლებელი, არ ემსახურება ქვეყნის უსაფრთხოების ზრდას, და ემსახურება ბიუროკრატიის კაპრიზებს".

მარტში, გირჩის წევრებმა დაარეგისტრირეს რელიგიური ორგანიზაცია საქართველოს ქრისტიანული, ევანგელისტური, პროტესტანტული ეკლესია - ბიბლიური თავისუფლება, რაც წვევამდელებს ანიჭებს მღვდელმსახურის წოდებას. On.ge-სთან საუბარში ისინი აცხადებენ, რომ ორგანიზაციის მიერ გაცემული მოწმობა არსებული კანონმდებლობისა და პრაქტიკის მიხედვით, საკმარისია სავალდებულო სამსახურის გადასავადებლად.