ამერიკის შეერთებული შტატების თავდაცვის წარმომადგენელმა განაცხადა, რომ რუსეთმა გასული კვირის განმავლობაში 17 ბატალიონის ტაქტიკური ჯგუფი შეიყვანა. ბოლო 24 საათის განმავლობაში კი ოთხი ასეთი ჯგუფი დაამატა.

"ეს ბატალიონის ტაქტიკური ჯგუფები სულაც არ არის მხოლოდ ქვეითი ჯარისკაცები, ისინი ფუნქციურად მოწყობილია", — ამბობს ოფიციალური წარმომადგენელი.

თავდაცვის წარმომადგენლის თქმით, ბოლო 24 საათის განმავლობაში დამატებული ოთხი ჯგუფიდან სამი დონბასის მხარეში შევიდა.

აშშ-ის შეფასებით, ჯამში უკრაინის შიგნით ახლა 82 ბატალიონის ტაქტიკური ჯგუფია.