ელექტრონული მედიის ეროვნული საბჭოს გადაწყვეტილებით, ლატვიაში რუსული სატელევიზიო არხების ტრანსლირება იკრძალება. ადგილობრივი მედიის ცნობით, აიკრძალება ის 80 რუსული არხი, რომელიც ქვეყანაში ამ დრომდე ხელმისაწვდომი იყო.

საბჭოს თავმჯდომარის განმარტებით, გადაწყვეტილება ახალი საკანონმდებლო ნორმის საფუძველზე მიიღეს, რომლის თანახმადაც, ლატვიაში არ შეიძლება მოქმედებდეს რეგისტრირებული პროგრამები, რომლებიც საფრთხეს უქმნის სხვა ქვეყნის დამოუკიდებლობასა და ტერიტორიულ მთლიანობას.

გამოცემის ცნობით, გადაწყვეტილება ძალაში 9 ივნისიდან შევა და იმოქმედებს იქამდე, სანამ რუსეთი არ დაასრულებს ომს და არ დათმობს ყირიმს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.