25 ივლისიდან ჯორჯიან უოთერ ენდ ფაუერი თბილისში, მედეა (მზია) ჯუღელის ქუჩის N10-ში მდებარე ცენტრალური სერვის ცენტრის განახლების პროცესს იწყებს. სარემონტო სამუშაოების შედეგად, სერვის ცენტრის მომსახურების სივრცეები თანამედროვე სტანდარტების შესაბამისად განახლდება.

სარემონტო სამუშაოების გამო, კომპანიის მომხმარებლები მომსახურების მიღებას როგორც ალტერნატიულ ოფისებში, ასევე დისტანციურად შეძლებენ. ჯივიპის აბონენტებს ისნის რაიონში, შუამთის ქ. N10ბ-სა და გლდანის რაიონში, ა. ვასაძის ქ. N12-ში მდებარე სერვის ცენტრები მოემსახურება.

ცენტრალური სერვის ცენტრის განახლების პერიოდში მომხმარებლებს, ადგილზე ვიზიტის ნაცვლად, განცხადებისა და დოკუმენტაციის გაგზავნა კომპანიის ელექტრონულ ფოსტაზე — online@gwp.ge-ზე შეეძლებათ. განცხადების რეგისტრაციისა და პროცესის დასრულების შემდეგ აბონენტი პასუხს კვლავ ელექტრონული ფოსტით მიიღებს.

დისტანციური მომსახურების შესახებ დეტალური ინფორმაცია განთავსებულია ჯორჯიან უოთერ ენდ ფაუერის ვებ-გვერდზე www.gwp.ge, დამატებითი ინფორმაციის მისაღებად კი შეგიძლიათ კომპანიას ონლაინ ჩათის მეშვეობით, ან შემდეგ ცხელ ხაზზე დაუკავშირდეთ: 2 931111.

თანამედროვე სტანდარტების შესაბამისად მოდერნიზებული სივრცე სარემონტო სამუშაოების დასრულებისთანავე განაგრძობს მომხმარებლების ადგილზე მიღებასა და მაღალი ხარისხით მომსახურებას.