ამის შესახებ დღეს გამართულ ბრიფინგზე საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ ისაუბრა.

რატომ არის მნიშვნელოვანი: ჯაღმაიძე ამბობს, რომ მედიასაშუალებების ზოგიერთი წარმომადგენელი საპატრიარქოს მიდგომას არ იზიარებს და წესრიგს არ იცავს.

• ამიტომ, მიიღეს გადაწყვეტილება, მედიის წარმომადგენლებისთვის საპატრიარქოს კუთვნილ სივრცეებში "ვითარების შესაბამისი" რეგულაციები დააწესონ.
• მისი თქმით, ეს აკრედიტაციის წესის გამოყენებასთან ერთად, გულისხმობს იმას, რომ ჟურნალისტმა "მედიისთვის გამოყოფილი ადგილი დაიკავოს", ასევე, "საპატრიარქო დაიტოვებს უფლებას, გააკონტროლოს დასწრების წესი".

დეტალები: ჯაღმაიძემ ბრიფინგი იმით დაიწყო, წლების განმავლობაში საპატრიარქო ცდილობს, რომ "ყველა შეკითხვას უპასუხოს".

• შემდეგ კი თქვა, რომ რომ ცალკეული მედიასაშუალებების მხრიდან ბოლო წლებში საქართველოში არცერთ რელიგიურ ჯგუფს არ შეჰქმნია იმდენი წინააღმდეგობა, როგორიც ქართლ სამოციქულო ეკლესიას.
• ბრიფინგზე აჩვენეს კადრები, სადაც ჟურნალისტები კრიტიკულ შეკითხვებს სვამენ ჯაღმაიძის თქმით კი, მედიის წარმომადგენლები ხშირად სასულიერო პირებს წირვამდე კითხვებით მიმართავენ, უარი კი "მათი გაღიზიანების საფუძველი ხდება".
• "მე მინდა, ჯერ გაჩვენოთ ზოგადად ამ პერიოდში რა ხდებოდა, ეკლესიასთან მიმართებაში და ცხადი გახდება, რატომ მივიღეთ ეს გადაწყვეტილება", — ასეთი შესავალი გაუკეთა მან კადრებს.
• "14 ოქტომბერს ხმაური იყო სვეტიცხოვლის ეზოში [...] სრულიად საკმარისია გავიხსენოთ მარტვილის რეზიდენციაში შეჭრა, მერე მცდელობა, რომ თითქოს დაებრალებინათ ეკლესიისათვის, რომ იქ მღვდლებმა გადმოყარეს ჟურნალისტები..."

ჯაღმაიძეს არ დაუსახელებია, კონკრეტულად რომელ ტელევიზიებს შეეხებათ რეგულაციები, თუმცა თქვა, რომ სვეტიცხოვლობას ფორმულასა და მთავარი არხის ჟურნალისტებმა უარი თქვეს მედიისთვის გამოყოფილი ადგილი დაეკავებინათ.

• მანამდე კი აღნიშნა, რომ სვეტიცხოვლობაზე მომხდარი აღმოჩნდა "ბოლო წერტილი" ამ გადაწყვეტილების მისაღებად და აქამდე "თავს იკავებდნენ".
• მისი მტკიცებით, 14 ოქტომბერს ჟურნალისტებმა სასულიერო პირებს ბანდიტები უწოდეს.
• ცალკე გამოყო ის ფაქტი, რომ მედიების ნაწილმა სვეტიცხოვლობა არათუ საზეიმო მოვლენად გააშუქეს, არამედ მიმართულები იყვნენ ეკლესიისა და დღესასწაულის დაკნინებაზე.
• მთავარი არხის ცნობით, ჯაღმაიძის ბრიფინგზე მათი გადამღები ჯგუფი არ დაუშვეს.