გახარია რუსულ კანონზე: აკეთებენ სპეციალურად, რომ ეს პროცესი [სტატუსის მიღება] ააფეთქონ

2 Mar. 2023, 11:55

მივმართეთ წევრ სახელმწიფოებს თხოვნით, რომ საქართველო იმსახურებს, ქართველი ხალხი იმსახურებს და ჩვენ აუცილებლად უნდა მივიღოთ კანდიდატის სტატუსი. მიუხედავად იმისა, რასაც ახლა "ოცნება" აკეთებს, დარწმუნებული ვარ, ჩვენ ყველაფრის გაკეთება კიდევ შეგვიძლია, რათა კანდიდატის სტატუსი მივიღოთ. ელჩებთან შეხვედრა გაგრძელდება ვიზიტებით, სხვათა შორის, დედაქალაქებში, რადგან ყველას უნდა ავუხსნათ. მე მაქვს იმისს რესურსი და ბევრ ადამიანთან გვაქვს კავშირები და ყველას ვუხსნით, რომ მიუხედავად იმისა, რომ დღეს ჩვენი პოლიტიკური ლიდერშიფი საერთოდ სხვაგან არის, ქართველი ხალხი არის ბევრად უფრო პროევროპული და იმსახურებს კანდიდატის სტატუსს.

[...] ამ კანონპროექტზე დღეს ყველა საუბრობს. კანონპროექტის მთავარი პრობლემა რაშია, იცით? როდესაც საქართველოს მთავრობამ დაინახა და მიხვდა, რომ გეოპოლიტიკური მიზეზებით საქართველო დიდი ალბათობით მიიღებს კანდიდატის სტატუსს, ახლა ამას აკეთებენ სპეციალურად, რომ ეს პროცესი უბრალოდ ააფეთქონ. მე არ ვიცი ამას სხვა რა უნდა დავარქვათ, ამას სხვა ახსნა არ აქვს. წარმოგიდგენიათ, რა ხდება, როდესაც ერთი და იგივე სიბრტყეში აყენებენ ოკუპანტ ქვეყანას და სტრატეგიულ პარტნიორებს, რომლებიც წლების განმავლობაში, გარდა იმისა რომ საქართველოს ეხმარებიან, აღიარებენ ჩვენს ტერიტორიულ მთლიანობას და და გვეხმარებიან ტერიტორიული მთლიანობის აღდგენაში და ქვეყნის დემოკრატიულ განვითარებაში. ქართველი ხალხის 80% ხმას აძლევს ქვეყნის ევროპულ მომავალს და ვიღაცა, არ მინდა ახლა სახელები დავასახელო, ამ არჩევანს აყენებს კითხვის ნიშნის ქვეშ.

ბოლო ამბები:

გიორგი გახარია გახარია რუსულ კანონზე: აკეთებენ სპეციალურად, რომ ეს პროცესი [სტატუსის მიღება] ააფეთქონ

კომენტარები

კვირის ტოპ-5

გირჩევთ

ახლა კითხულობენ