იწყება მოხალისეების შერჩევა ილიას სახელმწიფო უნივერსიტეტის Startup Grind-ის საუნივერსიტეტო წარმომადგენლობისთვის. მასში მონაწილეობა შეუძლია ილიაუნის ნებისმიერი ფაკულტეტის სტუდენტს, რომელსაც სურს, საკუთარი თავი გამოცადოს მრავალფეროვან გარემოში, გაეცნოს მსოფლიოში ყველაზე დიდ სათემო ორგანიზაციას და თავისი პროფესია მოარგოს თანამედროვე ტექნოლოგიურ საჭიროებებს.

წარმომადგენლობის მიზანია სტუდენტებს განუვითაროს სხვადასხვა უნარი და შექმნას საზოგადოება, რომელიც ხელს შეუწყობს საქართველოს სამეწარმეო პოტენციალის საერთაშორისო ასპარეზზე წარმოჩენას.

მონაწილეობისთვის, 31 მარტის ჩათვლით, შეავსეთ სააპლიკაციო ფორმა: https://bit.ly/3yV4T4v

მოხალისეები გამოცდილებისა და მოტივაციის საფუძველზე შეირჩევიან და დადებითი პასუხის შემთხვევაში 2 აპრილის ჩათვლით დაუკავშირდებიან.

Startup Grind, სტარტაპების ყველაზე დიდი სათემო ორგანიზაცია, რომელიც 2010 წელს დაარსდა სან ფრანცისკოში, აერთიანებს 5 მილიონ წევრს და მსოფლიოს 125 ქვეყნის 600 "ჩეფთერს".

ორგანიზაციის მიზანია განათლების, კავშირებისა და შესაძლებლობათა შექმნით სტარტაპებს მასშტაბირებაში დაეხმაროს.

დამატებითი ინფორმაციისთვის დაუკავშირდით — tiko.m@startupgrind.com