ამის შესახებ 8 საზოგადოებრივმა ორგანიზაციამ ღია საზოგადოების ფონდის გამოცემით, მოამზადა შეფასების დოკუმენტი — სტატუსმეტრი.

რატომ არის მნიშვნელოვანი: ევროკომისიამ საქართველოს 12 რეკომენდაცია წარუდგინა, რომ საქართველოს მიენიჭოს ევროპული პერსპექტივა, ხოლო კანდიდატის სტატუსი — მხოლოდ იმ შემთხვევაში, თუ ის გარკვეულ პირობებს შეასრულებს.

• ამ პირობებს შორისაა დეოლიგარქიზაცია, დამოუკიდებელი სასამართლო სისტემის უზრუნველყოფა, მიუკერძოებელი სამართალდამცავი უწყებების ფუნქციონირება და სხვა.
• იმისთვის, რომ ყველა რეკომენდაცია შესრულდეს, საქართველოს გარკვეული დრო მისცეს, რის შემდეგაც გადაწყდება — ვიმსახურებთ თუ არა კანდიდატის სტატუსს.

დეტალები: 12 პრიორიტეტის შესრულების მონიტორინგის დოკუმენტი მოიცავს 4 ძრითად სექციას, მათ შორის, ევროკავშირის მოთხოვნებს.

• ასევე, მოლოდინებს, სად ვართ ახლა და გამოწვევებს, სადაც თითოეული საკითხის ირგვლივ დარჩენილი გამოწვევების ჩამონათვალია და ეყრდნობა საზოგადოებრივი ორგანიზაციების შეფასებებს, განცხადებებსა და ანგარიშს;
• საერთაშორისო პარტნიორების განცხადებებს და შეფასებებს;
• პოლიტიკური პარტიებისა და პოლიტიკოსების შეფასებებსა და განცხადებებს.
• ხოლო პრიორიტეტების შესრულება შეფასებულია ოთხი სხვადასხვა ვერდიქტით.
• შესრულდა — პრიორიტეტი სრულად შესრულებულია;
• მეტწილად შესრულდა — პრიორიტეტის დიდი ნაწილი შესრულებულია, თუმცა ცალკეული საკითხები კვლავ დარჩენილია;
• ნაწილობრივ შესრულდა — პრიორიტეტთან დაკავშირებული საკითხების ნაწილი შესრულდა, თუმცა მნიშვნელოვანი ნაწილი კვლავ შესასრულებელია;
• შესასრულებელია — პრიორიტეტი კვლავ შესასრულებელია, ან პრიორიტეტის ირგვლივ არსებული სიტუაცია გაუარესდა, ან პრიორიტეტის შესასრულებლად საჭირო მრავალ საკითხს შორის, მხოლოდ მცირე და შედარებით უმნიშვნელო ნაწილია შესრულებული, რაც საერთო ფონს ვერ ცვლის.

არასამთავრობო ორგანიზაციების შეფასებით, ამ დროისთვის სრულად შესრულებული მხოლოდ ერთი — ქართული სასამართლოების მიერ ადამიანის უფლებათა ევროპული სასამართლოს(ECHR-ის) გადაწყვეტილებების პროაქტიულად გათვალისწინება.

• ხოლო მეტწილად შესრულდა ექვსი, მათ შორის, ორგანიზებული დანაშაულის წინააღმდეგ ბრძოლა, გენდერული თანასწორობა და ქალთა მიმართ ძალადობა.
• არ შესრულებულა დეპოლარიზაციის პუნქტი, ასევე დამოუკიდებელი სასამართლოსა, მედიის თავისუფლებისა და სამოქალაქო საზოგადოების ჩართულობის რეკომენდაცია.
• ნაწილობრივ შესრულდა ოთხი პუნქტი — საარჩევნო და ინსტიტუციური რეფორმები, ანტიკორუფციული ზომები, მოწყვლადი ჯგუფები, დამოუკიდებელი სახალხო დამცველი.