ახალი ამბები On.ge

ზურაბ ჯაფარიძე

18 Jun. 2023, 12:51

რას ვასწავლით ბანაკებში ისეთს რომ რუსები მზად არიან უტვინო, უვიცი, უნებისყოფო და ცხოვრებისგან გაფარჩაკებული ბრბო დაიქირაონ და ქვები ასროლინონ ახალგაზრდებისთვის:

  • იმას რომ ერთი სიცოცხლე აქვთ, ეს სიცოცხლე მათია, უნიკალურია, უნდა გაუფრთხილდნენ და ისე გახარჯონ როგორც თავად ჩათვლიან სასურველად.
  • რომ თავისუფლების გარეშე სიცოცხლეს ფასი არ აქვს — როცა შენი გონებითა და ნებით განკარგავ სიცოცხლეს, მხოლოდ მაშინ ხდება ის ღირებული. სხვა შემთხვევაში მონა ხარ და შენს სიცოცხლეს სხვა ხარჯავს.
  • რომ მეტი თავისუფლების მოპოვებას მუდმივი ბრძოლა სჭირდება, ხოლო არსებული თავისუფლების შენარჩუნებას — მუდმივი დაცვა. არ არსებობს მანდ "შესვენებაზე გასვლა".
  • რომ საზოგადოებები რომლებიც ყველაზე დიდი ხნის განმავლობაში იყვნენ ყველაზე ახლოს თავისუფლების იდეალების დაცვასთან, დღეს არიან ყველაზე წარმატებული, ყველაზე პროგრესული, ყველაზე ადამიანური და ყველაზე მდიდარი საზოგადოებები. და პირიქით.
  • რომ ჩვენც უნდა გამოვიდეთ საბჭოთა საქართველოდან და ვიქცეთ ასეთ საზოგადოებად - თავისუფალი ადამიანების საზოგადოებად, სადაც ნებისმიერის სიცოცხლე, თავისუფლება და საკუთრება დაცულია.

ამას ვასწავლით. რას არ ვასწავლით:

  • არ ვასწავლით რომ მშვიდობიანად შეკრებილ ადამიანებთან, მათ შორის არასრულწლოვანებთან, ჯოგად მივარდნა და ქვების სროლა არ შეიძლება.
  • რომ უნივერსიტეტში განსხვავებული აზრის მქონე ახალგაზრდებზე ზონდერების მიქსევა და ფიზიკური შეურაცხყოფის მიყენება არ შეიძლება.
  • რომ რუსეთი მტერია.
  • რომ ღირსება იწყება მტრისთვის მტრის დაძახებიდან, როგორი ძლიერიც არ უნდა იყოს ის.
  • რომ მეგობარი განსაცდელში არ უნდა მიატოვო, მითუმეტეს არ უნდა ლანძღო.
  • რომ ფულის გულისთვის ტრაკი არ უნდა მისცე და ყველაფერს არ უნდა მოაწერო ხელი.
  • რომ ვიღაცის ზებრა არ უნდა იყო და ა.შ.

ამ ყველაფერს არ ვასწავლით. იმიტომ რომ ეს ყველაფერი ისედაც იციან ამ ახალგაზრდებმა. იმიტომ რომ ასეთ რაღაცებს ოჯახში ასწავლიან და არა ბანაკში.

ქართული ოცნება / Georgian Dream თქვე &ლეებო.

ასე ეხმიანება განვითარებულ მოვლენებს გირჩი — მეტი თავისუფლების ლიდერი, ზურა ჯაფარიძე. გუშინ პარტიის ბანაკში მიმავალ ზურაბ ჯაფარიძეს თავს დაესხნენ. მოგვიანებით ძალადობრივი ჯგუფის წევრები მივარდნენ სასტუმროსთან, სადაც ბანაკის წევრები იმყოფებოდნენ. აგრესიული პირები აგინებდნენ და ქვებს ესროდნენ მონაწილეებს.

0 0

კომენტარები

კვირის ტოპ-5

  1. რა ვიცით თბილისში გარდაცვლილ აფხაზ ბლოგერ დაურ ბუავაზე, რომელიც აფხაზეთის საქართველოსთან გაერთიანების მომხრე იყო?
  2. ტრამპი აშშ-ის პრეზიდენტების რეიტინგს აქვეყნებს და თავს ისტორიაში "უდიდეს" პრეზიდენტად მიიჩნევს
  3. ოზურგეთში, სოფელ ნასაკირალში ქალი მოკლეს
  4. საქართველოში მიწისძვრა მოხდა
  5. თამთა მიქელაძე: ბევრ მუქარას იღებდა ხოლმე დაური მისი პოზიციების გამო

გირჩევთ

ახლა კითხულობენ

გადახედვა

ომბუდსმენი მერიას მოუწოდებს, დადგინდეს რუსთაველის გამზირზე მიმდინარე რეაბილიტაციისას აღმოჩენილი მასალა შეიცავს თუ არა აზბესტს

სახალხო დამცველი ლევან იოსელიანი თბილისის მერიას მოუწოდებს, დადგინდეს რუსთაველის გამზირზე მიმდინარე რეაბილიტაციისას…