რა მოხდა: 16 ივნისს, წლიური ანგარიშის წარდგენისას, აჭარის ავტონომიური რესპუბლიკის მთავრობის თავმჯდომარემ, თორნიკე რიჟვაძემ თქვა, რომ 2008 წლის აგვისტოს ომი ლაჩრულად იყო წაგებული.

  • მანამდე ის "გაურმაგებულ ტურისტურ რაოდენობაზე" საუბრობდა და თქვა, რომ გაზრდილია, როგორც ტურისტების, ისე შემოსავლების მოცულობაც.
  • " ამ საერთო ხვედით წილში, მათ შორის იმ ქვეყნის მოქალაქეები, რომლებსაც 2008 წელს ლაჩრულად წაგებული ომის შემდგომ, სააკაშვილის ხელისუფლებამ მწვანე აუნთო, უვიზო რეჟიმი დაუწესა და ყვავილებით და ქართული ღვინით ხელში ეგებებოდა", — თქვა მან.
  • რიჟვაძის ამ სიტყვებს აჭარის უმაღლეს საბჭოში ხმაური მოჰყვა.
  • ოპოზიციის წარმომადგენლმა რიჟვაძეს მიმართა და უთხრა, რომ ის აგვისტოს ომში მებრძოლებს შეურაცხყოფას აყენებდა.
  • "ლაჩრულად იქცევით თქვენ. 2008 წელს რომ ხალხმა იბრძოლა, ის იყო ლაჩრული ბრძოლა?"
  • რიჟვაძის ამ განცხადებას კრიტიკა მოჰყვა.

დეტალები: ახლა რიჟვაძე ამტკიცებს, რომ მებრძოლებისთვის შეურაცხყოფა არ მიუყენებია და ეს განცხადება სააკაშვილს ეხებოდა.

  • ის ექსპრეზიდენტს სიმულიანტს უწოდებს და ამბობს, რომ მან "ტერიტორიები დაგვაკარგვინა, ქართული ჯარი და ხალხი მიატოვა" და უკვე ბოლოს საქართველოს მოქალაქეობაზე თქვა უარი.
  • "ჩემი შეფასება ლაჩრობასთან დაკავშირებით, სწორედ მას და მის ამფსონებს ეკუთვნის და ეკუთვნოდა და ჩემი შეფასება ლაჩრობასთან დაკავშირებით სწორედ მას და მის ამფსონებს ეკუთვნის და ეკუთვნოდა".