მეგობრებთან, ოჯახის წევრებთან ან ნაცნობებთან ერთად მანქანით მგზავრობა ხშირად გვიწევს. მიუხედავად იმისა, რომ მათთან საუბარი, სიცილი და მუსიკის მოსმენა ძალიან გვიყვარს, არსებობს ეტიკეტი, რომელიც მანქანაში ყველა მგზავრმა უნდა დაიცვას.

მაშ ასე, გთავაზობთ 5 რამეს, რაც მგზავრებმა მანქანაში არ უნდა გააკეთონ:

1. ნურაფერს ნუ შემოაწყობ ფეხებს

როცა მანქანაში ზიხარ, რომელსაც მძღოლი თვალის ჩინივით უფრთხილდება, ფეხები — ფეხსაცმლით თუ ფეხსაცმლის გარეშე — არაფერს არ უნდა შემოაწყო. გახსოვდეს, რომ საკუთარ სახლში საკუთარ ტახტზე წამოწოლილი არ ხარ — მძღოლსა და საკუთარ თავს პატივი უნდა სცე.

2. ჭამა და მოწევა მხოლოდ მძღოლის ნებართვით შეიძლება

ზოგიერთი მძღოლისთვის მანქანაში ჭამა და მოწევა მისაღებია, ზოგიერთისთვის კი — არა. იმისათვის, რომ უხერხულ მდგომარეობაში არცერთი ჩაცვივდეთ, სჯობს, ნებართვა წინასწარ აიღო და უარის შემთხვევაში, ნუ განაწყენდები.

3. ნუ გამოაღებ სანივთე უჯრას დაუკითხავად

მძღოლს სანივთე უჯრაში შეიძლება ისეთი რაღაცები ეწყოს, რაც არ უნდა, რომ სხვამ ნახოს. უხერხულობის თავიდან ასაცილებლად, სანივთე უჯრაში ჩაძრომამდე მძღოლს ნებართვა სთხოვე.

4. ნუ დატოვებ ნაგავს

ეს პრინციპი მხოლოდ მანქანაში კი არა, ყველგან მოქმედებს. საკუთარ ნაგავს ყველამ თავად უნდა მიხედოს — ნუ გაანაწყენებ მეგობარ მძღოლს და ნაგავს ადგილი ურნაში მიუჩინე.

5. ნუ გაბრაზდები, როცა მძღოლი ღვედის გაკეთებას გთხოვს

ღვედი მძღოლის ახირება კი არა, ვალდებულებაა, რომელსაც ყველა უნდა დაემორჩილოს. მძღოლის მითითება ღვედის გასაკეთებლად საერთოდ არ უნდა გჭირდებოდეს, მაგრამ თუ დაგჭირდა — აუცილებლად დაემორჩილე. სხვა შემთხვევაში, მძღოლს სრული უფლება აქვს, მანქანიდან გადაგაბრძანოს!

+ბონუსი — ყველაფერზე ნუ იწუწუნებ

მანქანით მგზავრობისას ზოგჯერ მოულოდნელობებიც იჩენს თავს, მაგალითად, საბურავის დაშვება იშვიათი შემთხვევა სულაც არაა. ასეთ დროს მძღოლს ნუ უსაყვედურებ და მისი დახმარება სცადე, თუნდაც პროფესიონალის გამოძახებით.

ავტომობილს მძღოლები და მგზავრები აუცილებლად უნდა გაუფრთხილდნენ, თუმცა დროდადრო პროფესიონალის დახმარებაც საჭიროა. სწორედ ამისთვის არსებობს ავტომომსახურების ქართული სერვისი ვუვლი, რომელიც საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.