ელდარ შენგელაიას ცისფერი მთები ანუ დაუჯერებელი ამბავი ათწლეულების შემდეგაც კი ინარჩუნებს პოპულარულობასა და მაყურებლის სიყვარულს. ცისფერი მთების თითოეული პერსონაჟი დღემდე უამრავი სახალისო მიმის წყაროა, ფილმის ფრაზებს კი ადამიანები ყოველდღიურ საუბარშიც კი იყენებენ.

ცისფერი მთები განსაკუთრებულად ნაცნობი ალბათ სამსახურის მქონე ზრდასრულებისთვისაა. ფილმის სიუჟეტი ხომ რედაქციაში მიმდინარეობს და იქ უამრავ ერთმანეთისგან განსხვავებულ თანამშრომელს ვეცნობით — ჩვენთვის მეტ-ნაკლებად ნაცნობი პრობლემებითა თუ ხასიათით.

სწორედ ამიტომ გადავწყვიტეთ, ამ სტატიაში 10 ისეთი ფრაზა გაგახსენოთ, რომლის გამოყენებაც სამსახურში შეგიძლია, თუმცა უნდა გამოიყენო თუ არა, ეგ უკვე შენი გადასაწყვეტია (მერე ჩვენ რომ არ დაგვაბრალო რამე).

1. "ეს არც ხელოვნების ნაწარმია და არც ნაწარმოები"

ფოტო: ქართული ფილმი

როცა თანამშრომელი დავალებას ცუდად ასრულებს, შეგიძლია, ამ ფრაზით შენი აზრი პირდაპირ გაუზიარო.

2. "მე მხარს ვუჭერ გამყრელიძის დასკვნას"

ფოტო: ქართული ფილმი

თუ პრეზენტაციის წარდგენისას გონებით სხვაგან გაფრინდი და განსახილველ თემაზე შენი აზრი გკითხეს, შეგიძლია, ეს ფრაზა დაიხმარო.

3. "გამაგებინეთ, მე აქა ვარ თუ იქ?"

ფოტო: ქართული ფილმი

თუ სხვა თანამშრომლის საქმეები გადმოგილოცეს, შეგიძლია შენი პოზიცია და ვალდებულებები ამ ფრაზით დააზუსტო.

4. "ეს კაცი არ გამაკაროთ, თორემ შევიშლები!"

ფოტო: ქართული ფილმი

თუ პროექტი იმ თანამშრომელთან ერთად უნდა მოამზადო, რომელიც თავს არაფერზე არ იწუხებს, ამ ფრაზით მოიგერიე!

5. "ალაგ-ალაგ წამიკითხე ძირითადი მომენტები"

ფოტო: ქართული ფილმი

თუ თანამშრომლის 15-წუთიანი პრეზენტაცია უკვე 2 საათზე მეტია გრძელდება, შეგიძლია ამ ფრაზით დააჩქარო.

6. "-თუ იცით, იგავ-არაკებს მიიღებს?
-არა, მაგრამ უარს არ გეტყვით."

ფოტო: ქართული ფილმი

თუ არ გინდა, მოწადინებულ სტაჟიორს შეცდომის გამო მოტივაცია დაუკარგო, ეს ფრაზა დაგეხმარება!

7. "გივი არის?"

ფოტო: ქართული ფილმი

ასე შეგიძლია მოიკითხო ის თანამშრომელი, რომელიც ლანჩზე გადის და უკან არასდროს ბრუნდება.

8. "-პრემიები იქნება?
-პრემიები კი არა, ხელფასი ვერ დაგვირიგებია"

ფოტო: ქართული ფილმი

ეს ფრაზა ბუღალტერს არ ასწავლო...

9. "სამი წელიწადია, სიცარიელეში ვარ"

ფოტო: ქართული ფილმი

ამ ფრაზის გამოყენება ყოველი სამუშაო დღის ყოველ წამს შეგიძლია — ერთი შვებულებიდან მეორე შვებულებამდე.

10. "ეს ბზარი იყო აქ?"

ფოტო: ქართული ფილმი

ეს ფრაზა იმდენად ყოვლისმომცველი და ფილოსოფიურია, რომ სამსახურში არსებულ ნებისმიერ პატარა თუ დიდ უსიამოვნებას უხდება!

ამავე თემაზე: