რა ხდება? დიდი ბრიტანეთი და ევროკავშირი მოუწოდებენ მოქალაქეებს, გადაუდებელი საჭიროების გარეშე, არ იმოგზაურონ ისრაელსა და პალესტინის ტერიტორიაზე.

• მოგზაურებმა უნდა გამოიჩინონ სიფრთხილე მეზობელ ქვეყნებშიც.

უსაფრთხოა ეგვიპტეში მოგზაურობა?

• იმის მიუხედავად, რომ ეგვიპტეს აქვს სახმელეთო საზღვარი ისრაელთან და ღაზის სექტორთან, ქვეყანა კონფლიქტში, ჯერჯერობით, არ ჩართულა.
• შესაძლოა, გაიხსნას ღაზის სექტორთან დამაკავშირებელი რაფას გამშვები პუნქტი, რათა პალესტინელ მოსახლეობას მისცენ ევაკუაციის საშუალება, თუმცა, ამჟამად, ეს პუნქტი დაკეტილია.
• საერთაშორისო მგზავრებისთვის ეგვიპტის საზღვრები ღიაა, ავიაკომპანიები და ტურისტული სააგენტოები ქვეყანაში მუშაობას ჩვეულ რეჟიმში აგრძელებენ.

დეტალები:

• თვითმფრინავები, რომელიც ეგვიპტის მიმართულებით მიფრინავენ, არ იყენებენ ისრაელის საჰაერო სივრცეს.
• ეგვიპტის ყველაზე მნიშვნელოვანი ქალაქები და ტურისტული ღირსშესანიშნაობები ისრაელისა და ღაზის საზღვრებიდან მოშორებით მდებარეობს.
• ყველაზე ახლოს საზღვართან საზღვაო კურორტი შარმ-ელ შეიხია, თუმცა საზღვართან ყველაზე ახლოს მდებარე ქალაქიდან კურორტამდე 2.5 საათის მგზავრობის მანძილია, ღაზას საზღვრიდან იქ მისასვლელად კი - 5-საათიანი მგზავრობაა საჭირო.
• კაირო, ალექსანდრია, ჰურგადა და ლუქსორი კიდევ უფრო შორს მდებარეობს.

სტრიქონებს შორის: დიდი ბრიტანეთის საგარეო უწყებას მოქალაქეებისთვის არ მოუწოდებია ეგვიპტეში მოგზაურობისგან თავის შეკავებისკენ, თუმცა, ქვეყნების ნაწილი მოგზაურებს ურჩევს, არ იმოგზაურონ საზღვართან ახლოს მდებარე ქალაქებში.

უსაფრთხოა იორდანიაში მოგზაურობა?

• იორდანიას აქვს საზღვარი ისრაელთან და დასავლეთ სანაპიროსთან, ასევე - სირიასთან.
• დიდმა ბრიტანეთმა მოქალაქეები გააფრთხილა, სირიის საზღვართან 3 კმ-ის სიახლოვეს მხოლოდ უკიდურესი საჭიროების შემთხვევაში იმოგზაურონ.
• ამასთან, გუშინ, 17 ოქტომბერს, ქალაქ ღაზაში მდებარე საავადმყოფოს აფეთქების შემდეგ, რომელსაც ასობით ადამიანი ემსხვერპლა, იორდანიის დედაქალაქში, ამანში, საპროტესტო აქციები გაიმართა — მომიტინგეები ცრემლსადენი გაზით დაშალეს.
• ევროკავშირის ქვეყნებს მოგზაურებისთვის გაფრთხილება, ჯერჯერობით, არ გაუვრცელებიათ.

უსაფრთხოა თურქეთში მოგზაურობა?

• ევროპელი მგზავრების ნაწილი თურქეთში დაგეგმილი მოგზაურობის გამო შფოთავს, თუმცა, თურქეთს არ აქვს საზღვარი ისრაელთან და კონფლიქტის ზონიდან 879 კმ-ის დაშორებით მდებარეობს.
• შესაბამისად, თურქეთში მოგზაურობაზე ისრაელი-ჰამასის ომს გავლენა არ აქვს.