მოკლედ: ისრაელის თავდაცვის მინისტრმა იოავ გალანტმა გაასაჯაროვა წინადადებები, თუ როგორ ხედავს ისრაელი ღაზის მართვას, ომის დასრულების შემდეგ.

• მისი თქმით, ამ ტერიტორიაზე პალესტინის მმართველობა შეზღუდული იქნება.
• ჰამასი აღარ გააკონტროლებს ღაზას და უსაფრთხოების სრული კონტროლი ისრაელის ხელში იქნება.

დეტალები: წინადადებები ითვალისწინებს დანგრეული ქალაქების აღდგენის გეგმასაც — გალანტის თქმით, რესტავრაციაში მონაწილეობას აშშ და კიდევ რამდენიმე ქვეყანა ამიიღებს.

• დოკუმენტში აღნიშნულია, რომ გეგმაში როლი ექნება ეგვიპტესაც, თუმცა თუ რისი შესრულება მოუწევს მას, ჯერჯერობით, დაკონკრეტებული არ არის.
• აქვე, ასევე, ათქვამია, რომ ღაზის მართვაზე პასუხისმგებლები პალესტინელები იქნებიან.
• "ღაზის მცხოვრებლები პალესტინელები არიან, ამიტომ პალესტინის ორგანოები იქნებიან პასუხისმგებელი მართვაზე, იმ პირობით, რომ არ იქნება მტრული ქმედებები, ან მუქარა ისრაელის სახელმწიფოს წინააღმდეგ“, — თქვა გალანტმა.

რას ფიქრობენ მთავრობის გეგმაზე ისრაელსა და ღაზაში: წინადადებებს ღრმა უთანხმოება მოჰყვა.

• პრემიერ-მინისტრ ბენიამინ ნეთანიაჰუს მთავრობის ულტრამემარჯვენე წევრები ამბობენ, რომ პალესტინელმა მოქალაქეებმა ღაზა უნდა დატოვონ და ტერიტორიაზე ებრაული დასახლეები აშენდეს.
• ეს წინადადებები უარყოფილი იქნა და "ექსტრემისტულად" შეფასდა რეგიონის სხვა ქვეყნების და ისრაელის მოკავშირეების მიერ.
• იმის მიუხედავად, რომ გალანტის შეთავაზებები, შედარებით, პრაქტიკულია, პალესტინელი ლიდერები ამ გეგმას არ გაიზიარებენ, რადგან აცხადებენ, რომ ღაზელებმა თავად უნდა აიღონ სრული კონტროლი ტერიტორიაზე, როდესაც ომი დასრულდება.
• ღაზის მომავალი მმართველობის შესახებ საჯაროდ, ნეთანიაჰუს, ჯერ არ უსაუბროა.
• მან თქვა, რომ ომი, შესაძლოა, რამდენიმე თვის განმავლობაში გაგრძელდეს, ვიდრე ჰამასი სრულად არ გაადგურდება.

რა ხდება ახლა ღაზაში: პალესტიის ჯანდაცვის სამინისტროს ცნობით, ბოლო 24 საათში 125 ადამიანი მოკლეს.

• აქედან 14 — სამხრეთით მდებარე ალ მავასიში. დაღუპულთაგან 9 ბავშვია.
• ეს პატარა ქალაქი ისრაელის ძალებმა, დევნილი მოსახლეობისთვის, "უსაფრთხო სივრცედ" დაასახელეს.
• ხუთშაბათის მონაცემებით, ომის დაწყებიდან, ისრაელის დარტყმებმა 22400-ზე მეტი პალესტინელი იმსხვერპლა.

ისრაელმა ომი მას შემდეგ დაიწყო, რაც 7 ოქტომბერს, მის ტერიტორიაზე ჰამასის ტერორისტები შეიჭრნენ, მოკლეს 1200 ადამიანი და მძევლად აიყვანეს 240-მდე პირი. მათი ნაწილი ისრაელის მოქალაქე არ იყო.