მოკლედ: რუსეთის პრეზიდენტის გრანტების ფონდმა 2024 წლის პროექტებისთვის 4 მილიარდი რუბლი გადაანაწილა.

• ონლაინგამოცემა აგენტსტვოს მიხედვით, 15 მილიონი რუბლი დაიხარჯება რუსული ენის პოპულარიზაციისთვის დსთ-ს ქვეყნებში.
• ყველაზე დიდი თანხა — 290 მლნ რუბლი, გამოიყო ომის მონაწილეების, მათი ოჯახების და უკრაინიდან ლტოლვილების დასახმარებლად.
• თანხა დაიხარჯება ანექსირებულ რეგიონებში სახალხო რაზმების შექმნაზეც.
• გრანტი მიიღო, ასევე, რუსმა "პატრიოტმა მომღერალმა" ოლეგ გაზმანოვმა.

დეტალები: აგენტსტვომ გააანალიზა 1 მილიონ რუბლზე მეტის ოდენობის გრანტები.

• მათ შორის, ყველაზე მეტი თანხა, 105 მილიონი რუბლი, პრეზიდენტის ფონდმა გამოყო ფსიქოლოგიური, იურიდიული და სოციალური დახმარებისთვის უკრაინაში ომის მონაწილეებისა და მათი ოჯახებისთვის.
• 27,6 მილიონი რუბლი - მიიღო სრულიად რუსული სახალხო ფრონტის გამოძიების ბიუროს პროექტმა, რომელსაც ხელმძღვანელობს პირველი არხის პროპაგანდისტი ირინა კუკსენკოვა. პროექტის აღწერილობის მიხედვით, თანხა მოხმარდება 2022 წელს შექმნილი "სპეციალური სამხედრო ოპერაციის ზონაში" დაზარალებულთა სარეაბილიტაციო ბანაკს.
• კიდევ 86 მილიონი რუბლი გამოიყო უკრაინის ომის მონაწილეთა პროთეზირებისთვის.
• ანექსირებული რეგიონების მაცხოვრებლების ფსიქოლოგიური, ჰუმანიტარული და ფიზიკურად დახმარებისთვის, მათ შორის, მათთვისაც, ვინც ეს ტერიტორიები უკვე დატოვა და საცხოვრებლად რუსეთში გადავიდა, ფონდმა, დაახლოებით 88 მილიონი რუბლი გამოყო.
• ამ თანხის ნახევარზე მეტი — 37 მილიონი რუბლი გადაეცა რუსეთის მართლმადიდებლურ ეკლესიას, რომელიც აპირებს, ამ თანხით ანექსირებულ რეგიონებში მცხოვრებთათვის განავითაროს საეკლესიო სოციალური, ფსიქოლოგიური და სულიერი დახმარების სერვისი.
• გარდა ამისა, ფონდმა გადაწყვიტა ჰუმანიტარული დახმარება გაუწიოს სასაზღვრო, ბელგოროდის რეგიონის მაცხოვრებლებს — გამოყოფილი თანხით, 10 მლნ რუბლით, დახმარებას 2 ათას ადამიანს გაუწევენ.
• დახმარების გარეშე არ დარჩნენ არც ხელისუფლებასთან დაახლოებული პირები. მომღერალ ოლეგ გაზმანოვის პროექტი Springs მიიღებს 14.5 მილიონ რუბლს.
• ფონდმა 15 მილიონი რუბლი გამოყო რუსული ენის პოპულარიზაციისთვის დსთ-ს ქვეყნებში — აზერბაიჯანში, ყაზახეთში, ყირგიზეთში, ტაჯიკეთსა და უზბეკეთში.

ბოლო ხაზი: უკრაინაში შეჭრის შემდეგ, კრემლმა აქტიურად დაიწყო საპრეზიდენტო საგრანტო სახსრების გამოყენება ომის ინტერესებისთვის.

• პრეზიდენტის კულტურული ინიციატივების ფონდი, მაგალითად, აქტიურად აფინანსებს სახელმწიფო პროპაგანდას და პროექტებს ანექსირებული რეგიონებიდან.