წინანდლის მამული, SOLO და Visa-ს მხარდაჭერით და პორშე ცენტრ თბილისთან პარტნიორობით, 1 მარტიდან 10 მარტის ჩათვლით, სასტუმრო რადისონ ქოლექშენში ქალთა კვირეულს გამართავს.

კვირეულის ფარგლებში ვიზიტორებს შესაძლებლობა ექნებათ, მონაწილეობა მიიღონ მრავალფეროვან კულტურულ, შემეცნებით და გასართობ ღონისძიებებში — დაესწრონ საფორტეპიანო კონცერტს, მოუსმინონ კლასიკური ჯაზის ტრიოს შესრულებას. ასევე, დაესწრონ SOLO Talk-ებს, რომლებსაც ფსიქოლოგი ნინო მარგველაშვილი და ნიკოლოზ წულუკიძე გაუძღვებიან.

ამასთან, 2-3 მარტს სასტუმრო რადისონ ქოლექშენში ჩატარდება დედის დღისადმი მიძღვნილი ღონისძიებაც.

8 მარტს კი წინანდლის მამული განსაკუთრებულ ვახშამს უმასპინძლებს. სილქ ჰოსფითალითის ბრენდ შეფი, ირაკლი ასათიანი სტუმრებს მე-19 საუკუნის ჭავჭავაძეების ოჯახის ქალების რეცეპტებით ინსპირირებულ მენიუს შესთავაზებს. გასტრონომიულ საღამოს გაუძღვება ნიკოლოზ წულუკიძე, ხოლო მუსიკალური ნაწილი მთლიანად ინოლა გურგულიას შემოქმედებას მიეძღვნება (ია და დავით შუღლიაშვილებისა და თამარ თოლორდავას შესრულებით).

მარტის თვის ღონისძიებების შესახებ დეტალური ინფორმაციის მისაღებად ეწვიეთ ბმულს.

დამატებით, 1-დან 10 მარტამდე, სპეციალური შეთავაზების ფარგლებში, SOLO Visa ბარათით გადახდისას, მომხმარებლები წინანდლის მამულის სასტუმრო რადისონ ქოლექშენში სპეციალური შეთავაზებით ისარგებლებენ. მეტი დეტალისთვის გადადით ბმულზე.

სასტუმროს ჯავშანთან დაკავშირებით, დაუკავშირდით სილქ ჰოსფითალითის კონტაქტ ცენტრს ტელეფონის ნომერზე: 032 2402 222 ან მეილის მისამართზე: welcome@silkhospitality.com