ალტე უნივერსიტეტი საგანმანათლებლო სივრცეში 20 წელზე მეტია ოპერირებს და სტუდენტებს 30-ზე მეტი ქვეყნიდან 4 სკოლაში (ბიზნესის სკოლა, სამართლისა და ჰუმანიტარულ მეცნიერებათა სკოლა, საინფორმაციო ტექნოლოგიების სკოლა და მედიცინის საერთაშორისო სკოლა) აერთიანებს. უნივერსიტეტის საბაკალავრო და სამაგისტრო პროგრამები სრულად ავტორიზებულია და თითოეული მათგანი სწავლების ინოვაციურ მეთოდებსა და პრაქტიკულ კომპონენტებზეა დაფუძნებული.

უნივერსიტეტი კორპორაციული სოციალური პასუხისმგებლობის ფარგლებში არაერთი საინტერესო ინიციატივისა და ღონისძიების მხარდამჭერია და ამის ნათელი დადასტურებაა აბიტურიენტების კლუბი, რომელიც 1 წლის წინ, სკოლის მოსწავლეებთან ინტენსიური შეხვედრებისა და მათი ინიციატივებისა თუ სურვილების მოსმენის შედეგად, ალტე უნივერსიტეტის ბაზაზე დაფუძნდა. კლუბი, დაარსების დღიდან, თავის წევრებს თავიანთ ინტერესებზე მორგებულ უამრავ ღონისძიებასა თუ აქტივობას სთავაზობს. მათ შორის არის: შეხვედრები, ტრენინგები, კონკურსები, ვორქშოფები, ბანაკები და მრავალი სხვა. მნიშვნელოვანია, რომ ყველა ზემოთ ჩამოთვლილი ღონისძიება ალტე უნივერსიტეტის მიერ სრულად დაფინანსებულია და კლუბში გაწევრიანებული მოსწავლეები ღონისძიებებში სრულიად უფასოდ იღებენ მონაწილეობას. გარდა დედაქალაქისა, აბიტურიენტების კლუბი რეგიონებსაც ხშირად სტუმრობს და მოსწავლეებს ადგილზევე სთავაზობს სხვადასხვა აქტივობასა და ღონისძიებებს. ამ დროისათვის კლუბს 5000-ზე მეტი წევრი ჰყავს და ყოველდღიურად უფრო და უფრო მეტი აბიტურიენტი ინტერესდება მასში გაწევრიანებით.

ალტე უნივერსიტეტისა და აბიტურიენტების კლუბის ერთ-ერთი მასშტაბური და გამორჩეული ღონისძიებაა კარიერული ბანაკი — Career Hunter Camp, რომელიც წელს უკვე მეორე ნაკადს ბაქსვუდის კამპუსზე 22-24 მარტს უმასპინძლებს. წელსაც, ისევე, როგორც შარშან, ბანაკის მთავარი თემა კარიერის დაგეგმვა და პროფესიის შერჩევაა და სწორედ ამ საკითხის ირგვლივ დაიგეგმა თითოეული აქტივობა, რომელსაც პროფესიონალი ტრენერი გაუძღვება. 3 დღის განმავლობაში მონაწილეები ჩაერთვებიან კარიერის დაგეგმვასთან დაკავშირებულ არაერთ საინტერესო ვორქშოფსა და ფორუმში; ექნებათ შესაძლებლობა, შეიძინონ ახალი მეგობრები და რაც ყველაზე მთავარია, აღმოაჩინონ თავიანთი პროფესიები. ბანაკში მონაწილეობის მსურველები, აუცილებელია, იყვნენ აბიტურიენტების კლუბის წევრები, შეავსონ სარეგისტრაციო ფორმა და დაწერონ მოკლე სამოტივაციო წერილი, რატომ სურთ ბანაკში მონაწილეობის მიღება. აპლიკაციების მიღება 15 მარტს დასრულდება და ჯამში, საქართველოს მასშტაბით, 50 მოსწავლე შეირჩევა.

აბიტურიენტების კლუბში გასაწევრიანებლად მიჰყევით ბმულს.

ბანაკზე რეგისტრაციისთვის კი ეწვიეთ ამ ბმულს.