ქართული ოცნების დეპუტატი, ნინო წილოსანი აცხადებს, რომ ქართული ოცნება “კოლექტიური ნაცმოძრაობის“ „აკრძალვის“ დაპირების შეასრულებს. ის ვერც ოპოზიციონერი პოლიტიკოსებისთვის მანდატების გაუქმებაში ხედავს პრობლემას და პროცესს დემოკრატიის ნაწილად აფასებს.

„ზუსტადაც რომ ამ დაპირების შესასრულებლად მოვა ქართული ოცნება და ზუსტადაც რომ ეს იქნება დემოკრატიის ნაწილი. რაც შეეხება პარლამენტში ერთი პარტია იქნება თუ ორი, თავად გაეცანით იმ პრაქტიკას, რომელიც უკრაინისა და მოლდოვის შემთხვევაში ოპოზიციური პარტიების აკრძალვასთან დაკავშირებით არსებობს, რომელიც არანაირად არ ყოფილა უარყოფითად შეფასებული არც ქვეყნის შიგნით და არც გარე აქტორებისგან. შესაბამისი სამართლებრივი პროცესები დაიგეგმება და ამის შემდეგ გვეცოდინება, ინდივიდუალურ რეჟიმში ვუყრით მათ უკვე საბოლოოდ მიღებული გადაწყვეტილების, სასამართლოს დადასტურების შემთხვევაში მათი მანდატების გაუქმებას კენჭს, თუ რა ფორმით მოხდება იმ მიზნის შესრულება, რომელსაც დღეს ჩვენ ვაცხადებთ", - აცხადებს ნინო წილოსანი.

წყარო: ტვ პირველი