ნათია მეზვრიშვილი: თქვენ შეულახეთ პოლიციას ღირსება, როცა მტერზე ბოდიშის მოხდა მოსთხოვეთ, როცა ასობით პოლიციელი მექსიკის საზღვრით ამერიკაში გასაქცევი გახადეთ

23 Dec. 2024, 16:38

"[ქართულო ოცნებავ] პოლიციის დაცვის მორალური უფლება თქვენ არ გაქვთ ამიტომ, ხმას ნუ იღებთ!

თქვენ მოკალით პოლიცია, რომელიც 2008 წლის ომში რუსეთს ებრძოდა; მოკალით პოლიცია, რომელიც საკუთარ სიცოცხლეს წირავდა მოქალაქის სიცოცხლის გადასარჩენად; მოკალით პოლიცია, რომელიც ქვეყანაში წესრიგს და ხალხის უსაფრთხოებას იცავდა.

თქვენ შექმენით პოლიცია, რომელიც ხალხზე ძალადობს, ადამიანებს ცემს და აწამებს, საკუთარ მოქალაქეებს ძარცვავს, ნიღბიან მოძალადე ზონდერებს უმოქმედოდ უყურებს, აღარავის იცავს გარდა თქვენი სკამებისა. პოლიცია ივანიშვილის პირად დაცვად გადააქციეთ.

მიუხედავად იმისა, რომ სისტემა სავსეა კეთილსინდისიერი ხალხითაც, თქვენ მოახერხეთ და ასეთი მძიმეა დღეს პოლიციის აღქმა საზოგადოებაში. წლობით ნაშენები დაანგრიეთ.

თქვენ შეულახეთ პოლიციას ღირსება, როცა მტერზე ბოდიშის მოხდა მოსთხოვეთ; თქვენ შეულახეთ პოლიციის ღირსება, როცა ასობით პოლიციელი მექსიკის საზღვრით ამერიკაში გასაქცევი გახადეთ.

ყველა სხვა დანაშაულთან ერთად, ეს არის თქვენი უმძიმესი დანაშაული, რომელსაც მე პირადად არ გაპატიებთ".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ