რადიო მარნეულის ინფორმაციით, მარნეულში ქართული ოცნების მერობის კანდიდატის, ამირან გიორგაძის შეცვლას მისი მხარდამჭერები თბილისში გააპროტესტებენ და ამ მიზნით უკვე გამოემართნენ დედქალაქისკენ. გიორგაძის მხარდამჭერებმა მისი ჩანაცვლება მანამდე მარნეულში პარტიის ოფისთან გააპროტესტეს.

ქართული ოცნეის პოლიტსაბჭოს გადაწყვეტილებით, 2017 წლის თვითმმართველობის არჩევნებში მერის თანამდებობის დასაკავებლად ამირან გიორგაძის ნაცვლად თეიმურაზ აბასოვი იბრძოლებს. პარტიის პრესსამსახურის ინფორმაციით, გიორგაძე კვლავ რჩება მათ რიგებში და ის საკრებულოს თავმჯდომარეობისთვის იბრძოლებს.

გიორგაძის მხარდასაჭერი ბანერები უკვე გაკრული იყო მარნეულში.

"შეიძლება გაკრული იყო [ბანერები], მაგრამ ჩვენ გვაქვს ვადები, გვაქვს დრო და არანაირი კანონი არ დაგვირღვევია", - განუცხადეს On.ge-ს პარტიაში.