ალბათ უკვე იცი, როგორ გამოიყურება დედამიწა კოსმოსიდან — ჩვენი პატარა, ლურჯი პლანეტის ეს საოცარი გამოსახულებები კოსმოსური სადგურიდან ნახევარ საუკუნეზე ადრე მივიღეთ.

მაგალითად, დიდი შანსია, იცნობდეთ ბილ ანდერსის მიერ "აპოლო-8"-ის ბორტიდან გადაღებულ ლეგენდარულ ფოტოს Earthrise ("დედამიწის ამოსვლა") :

თუმცა, შესაძლოა არ იცოდეთ, რა რაოდენობის ფოტოები გადაიღეს კოსმოსიდან და რამდენი სამუშაო ტარდება დედამიწაზე სიცოცხლის უკეთ გასაგებად — ლურჯ-მწვანე წყალმცენარეთა აყვავებიდან დაწყებული, დიდ ტბებზე ყინულის საფარის მერყეობით დამთავრებული. ჩვენს სტატიაში თავმოყრილი ფოტოებიდან დედამიწას სრულიად სხვა პერსპექტივიდან დაინახავთ:

1. რამხელა განსხვავებას გვაძლევს ერთი დღე?

ეს ორი ფოტო აშშ-ში მდებარე ტბების ოჯახს კოსმოსიდან მხოლოდ ერთი დღის დაშორებით გადაუღეს. ამ ტბების სიახლოვეს მცხოვრები ადამიანებისთვის შეუიარაღებელი თვალით, ალბათ, შეუძლებელი იქნებოდა 24 საათის განმავლობაში მიმდინარე ცვლილებების აღქმა, თუმცა სიშორიდან აშკარად ჩანს, როგორ ტემპში დნება ყინული და თავს იჩენს წყლის ზედაპირი.

2. კონტინენტების "შეხვედრის" წერტილი

ასტრონავტი ენდრიუ მორგანის მიერ გადაღებული ეს ფართომასშტაბიანი ფოტო ასახავს სინას ნახევარკუნძულისა და ნილოსის დელტას გადაკვეთის ადგილებს — სწორედ აქ ერწყმის ერთმანეთს აფრიკისა და აზიის კონტინენტები.

3. ყველაზე მაღლა

ასტრონავტი რენდი ბრესნიკის მიერ გადაღებული ფოტო გვიჩვენებს ჰიმალაის მთების სილუეტს კოსმოსიდან.

4. ციმციმა შუქები

მართალია, კოსმოსში მუდამ "სიბნელეა", მაგრამ მაშინ, როცა დედამიწის ამა თუ იმ მონაკვეთში მზე ჩადის, კონტინენტები უცებ ციმციმს იწყებენ. აი, ასე გამოიყურება ევროპის სინათლე კოსმოსიდან.

5. მტვრის ქარიშხალი

მტვრის ქარბორბალების ამოვარდნასა და გადაადგილების ტრაექტორიაზე დაკვირვება კოსმოსიდან შესაძლებელია. აი, ასე მოჩანდა ჩინეთში, პეკინში 2021 წელს ამოვარდნილი მტვრის ქარიშხალი საერთაშორისო კოსმოსური სადგურიდან.

6. წყალმცენარეები

დიახ, კოსმოსიდან წყალმცენარეების ზრდის შესახებაც შეიძლება ინფორმაციის მიღება — ავსტრალიის მოსახლეობამ სწორედ ასე შეიტყო ტბა ბარინჯუკაში ცურვის საფრთხის შესახებ.

7. დატბორვა

ასე გამოიყურებოდა მოზამბიკში მდებარე ტბის, ურემას ნაპირები დატბორვამდე და დატბორვის შემდეგ საერთაშორისო კოსმოსური სადგურიდან.