ახალი ამბები On.ge

ლევან ჯობავა

22 Sep. 2025, 10:49

"რა გინდოდა ყოფილიყავი შენთვის"

გეტყვის ნებისმიერი მდუმარე შენი გარემოცვიდან და თავის წილ ზიზღს გადაყლაპავს, რომელსაც იმის მიმართ განიცდის ვისაც ძალით უღიმის და ცრუ კომპლიმენტებს ეუბნება.

ჰოდა მე მინდოდა მეკეთებინა ხობის საკვირაო სკოლა, სამეგრელოს რაგბის განვითარების გეგმა მინდოდა მეკეთებინა, ხობში მინდოდა ცხოვრება ოჯახთან ერთად, გარემოზე და გარშემომყოფებზე ზრუნვა მინდოდა.

არ გამოვიდა ეგ საქმე, რადგან თუ გინდა რამე აკეთო, თვალი უნდა დაუხუჭო სისტემას, მერე თავი უნდა დახარო, ძალით გაიღიმო და ცრუ კომპლიმენტები უთხრა "ბოსს".

რას იზამენ ხვალ ქოცები არ ვიცი, არც ის ვიცი რას იზამენ ზეგ, მაგრამ ზუსტად ვიცი, რას შვრებიან უსამართლობასთან მებრძოლი მოქალაქეები და დემეტრეს ვფიცავარ მრცხვენია კიდეც ამხელა სოლიდარობის.

მადლობა ყველას, სიტყვებით ძნელია იმის გადმოცემა რას ვგრძნობ, როცა ერთ მხარეს გასუსული ექს კოლეგები, მეგობრები, ნათესავები დგანან პროპაგანდის სამსახურში და მეორე მხარეს ამდენი ადამიანის, ნაცნობის თუ უცნობის ასეთი სოლიდარობაა.

სიტყვებით მადლიერების გამოხატვა არ გამოვა, საქმით აუცილებლად "გადავიხდი"

თავისუფლება რეჟიმის ტყვეებს!

ცეცხლი ოლიგარქიას!"

წერს ლევან ჯობავა სოციალურ ქსელში.

შეგახსენებთ, 15 სექტემბერს, საზოგადოებრივი მაუწყებლის მარშის მონაწილეებსა და მოქალაქეებს შორის კონფლიქტი მოხდა. აქტივისტების ინფორმაციით, უცნობი პირები მათ მსვლელობას აედევნენ და სიტყვიერ შეურაცხყოფას აყენებდნენ, ბესიკის ქუჩის სიახლოვეს კი ერთ-ერთმა ცეცხლსასროლი იარაღი ამოიღო. ამის შემდეგ აქტივისტმა ლევან ჯობავამ მას იარაღი წაართვა და პოლიციას გადასცა.

გუშინ ტელეკომპანია "რუსთავი 2-მა" 15 სექტემბერს მომხდარ ინციდენტთან დაკავშირებით ბესიკის ქუჩაზე მდებარე კაფის სათვალთვალო კამერის კადრები გაავრცელა, სადაც ამტკიცებდა, რომ აქციის მონაწილეების ვერსია არასრულწლოვანისთვის იარაღის წართმევისა და პოლიციისთვის გადაცემაზე სიმართლეს არ შეესაბამება და თავად "აქციის მონაწილეებმა იძალადეს არასრულწლოვანზე"

0 0

კომენტარები

კვირის ტოპ-5

  1. რა ვიცით თბილისში გარდაცვლილ აფხაზ ბლოგერ დაურ ბუავაზე, რომელიც აფხაზეთის საქართველოსთან გაერთიანების მომხრე იყო?
  2. მამუკა მდინარაძემ თანამდებობა დატოვა და პოლიტიკიდან მიდის
  3. ნეპალში წყალდიდობას 160-ზე მეტი ადამიანი ემსხვერპლა, თითქმის 1400 კი დაკარგულად ითვლება
  4. ტრამპი აშშ-ის პრეზიდენტების რეიტინგს აქვეყნებს და თავს ისტორიაში "უდიდეს" პრეზიდენტად მიიჩნევს
  5. მამუკა მდინარაძე: წერილი ღარიბაშვილისთვის კი არა, არავისთვის გამიგზავნია

გირჩევთ

ახლა კითხულობენ

გადახედვა

არასქროლო — ახალი სერიალი ჩემი ცოლის დაქალების შემქმნელებისგან

თუ 15-სეზონიანი სერიალების 40-წუთიან სერიებს ტელეფონში სქროლვის გარეშე თქვენც ვეღარ უყურებთ, თქვენთვის კარგი ამბავი და…