ტელეკომპანია რუსთავი 2-ის კვლევის მიხედვით, თბილისის მოსახლეობის 29 პროცენტი თბილისის მერობის კანდიდატს პატრიოტთა ალიანსიდან, ირმა ინაშვილს ხმას არასდროს მისცემდა იმ შემთხვევაშიც კი, თუ მისი სასურველი კანდიდატი არ მიიღებდა მონაწილეობას. ამ კითხვაზე პასუხის გაცემისას რესპონდენტებს ერთზე მეტი პასუხის დაფიქსირების საშუალება ჰქონდათ.

ამავე კითხვაზე პასუხად თბილისის მერობის სხვა კანდიდატები შემდეგნაირად დასახელდნენ:

  • ზალიკო უდუმაშვილი (ნაციონალური მოძრაობა) - 24 პროცენტი;
  • ელენე ხოშტარია (ევროპული საქართველო)- 23 პროცენტი;
  • გიორგი გუგავა (ლეიბორისტული პარტია) - 23 პროცენტი;
  • თენგიზ შერგელაშვილი (შენების მოძრაობა) - 21 პროცენტი;
  • კახა კუკავა (დემოკრატიული მოძრაობა - თავისუფალი საქართველო) - 20 პროცენტი;
  • გიორგი ვაშაძე (ახალი ერთობა საქართველო) - 20 პროცენტი;
  • კახი კალაძე (ქართული ოცნება) - 19 პროცენტი;
  • ალეკო ელისაშვილი (დამოუკიდებელი კანდიდატი) - 9 პროცენტი.

ტელეკომპანია რუსთავი 2-მა კვლევა Edison Research-ს დაუკვეთა. კვლევა 22 სექტემბრიდან 2 ოქტომბრის ჩათვლით თბილისში ჩატარდა და შემთხვევითი შერჩევის მეთოდით, ხმის მიცემის უფლების მქონე 1200 ადამიანი გამოიკითხა. კვლევის ცდომილება 3 პროცენტია.