ბაზისბანკი, როგორც განათლებისა და კულტურული ინიციატივების მუდმივი მხარდამჭერი, ახალგაზრდულ საგანმანათლებლო ორგანიზაცია სივრცესთან ერთად, ატარებს ლიტერატურულ კონკურსს — წიგნიდან დაწყებული ამბავი.

მისი მიზანია შემოქმედებითი ნიჭის აღმოჩენა, კითხვის პოპულარიზაცია და იმ ადამიანების წახალისება, ვისთვისაც წიგნი შთაგონების მთავარი წყაროა. პროექტი ახალგაზრდებს აძლევს შესაძლებლობას, დაფიქრდნენ წიგნის გავლენასა და მნიშვნელობაზე, საინტერესო ამბებად აქციონ წიგნსა თუ ლიტერატურულ პერსონაჟებთან დაკავშირებული გამოცდილება და თავადაც მისცენ სხვებს წიგნთან დაახლოების მოტივაცია.

ბაზისბანკისა და სივრცის კოლაბორაცია კიდევ ერთი დასტურია იმისა, თუ რამდენად მნიშვნელოვანია ბიზნეს სექტორის ჩართულობა ინტელექტუალური რესურსის განვითარებაში. პროექტი ქმნის პლატფორმას, სადაც ლიტერატურული მემკვიდრეობა და ახალგაზრდული შემოქმედებითი ენერგია ერთმანეთს ხვდება.

“ბაზისბანკისთვის განათლებისა და შემოქმედებითი ინიციატივების მხარდაჭერა ერთ-ერთი პრიორიტეტული მიმართულებაა. კონკურსი — წიგნიდან დაწყებული ამბავი“არის პროექტი მათთვის, ვისაც სჯერა სიტყვის ძალის და ვისაც შეუძლია ნაცნობ ისტორიებში სრულიად ახალი სიცოცხლე აღმოაჩინოს. მოხარულნი ვართ, რომ სივრცესთან პარტნიორობით საშუალება გვეძლევა, ხელი შევუწყოთ ნიჭიერ ადამიანებს და შევქმნათ გარემო, სადაც ლიტერატურა და შემოქმედება მთავარი ღირებულებაა. ჩვენი მიზანია, ეს პროექტი იქცეს ახალი ამბებისა და ახალი შესაძლებლობების დასაწყისად.“ — ბაზისბანკის სტრატეგიული კომუნიკაციებისა და ბრენდინგის დეპარტამენტის უფროსი, თამარ ხადური.

ლიტერატურულ კონკურსში მონაწილეობის პირობები:

• ასაკი: 13–23 წელი
• ენა: ქართული
• ტექსტის მოცულობა: მაქსიმუმ 5000 სიმბოლო
• სტილი: თავისუფალი პროზა - მოთხრობა, ესე, წერილი
• ნამუშევრების მიღების ბოლო ვადა: 15 აპრილი

საკონკურსო ნამუშევრებს შეაფასებს ჟიური:

• გიორგი კეკელიძე — პოეტი, პროზაიკოსი, ესეისტი, წიგნიერების გამავრცელებელი საზოგადოების თავმჯდომარე საქართველოში;
• ნათია როსტიაშვილი — მწერალი, ჟურნალისტი;
• თამარ გეგეშიძე — მწერალი, მასწავლებელი, ფილოლოგიის დოქტორი;
• ლილი ალფაიძე — საბავშვო მწერალი;
• ანა გოგილაშვილი — ფილოლოგიის დოქტორი, სულხან-საბა ორბელიანის უნივერსიტეტის ასოცირებული პროფესორი.

კონკურსში მონაწილეობის მისაღებად გადადით ფორმაზე

გაეცანით კონკურსის დეტალურ პირობებს

ლიტერატურული კონკურსის 23 გამარჯვებული 23 აპრილს გამოვლინდება.