პარტია ევროპული საქართველოს თბილისის მერობის კანდიდატი ელენე ხოშტარია საკუთარ უბანზე ხმის მისაცემად მივიდა. ჟურნალისტებთან საუბრისას მან თქვა, რომ ხმა მისცა იმ რწმენის დაბრუნებას, რომ ქალაქი გახდეს უფრო მოხერხებული და ადამიანებზე ორიენტირებული:

"ხმა მივეცი იმ რწმენის დაბრუნებას, რომ ჩვენი ქალაქი შეგვიძლია გავხადოთ მოხერხებული, სამართლიანი ადამიანებზე ორიენტირებული და იმ ხედვას, რომელიც მგონია რომ სწორედ ამას მოიტანს. ძალიან გულანთებული ვარ იმისთვის რომ ეს მანდატი მივიღო და შევუდგე საქმის კეთებას".

მთელი საქართველოს მასშტაბით, ოკუპირებული ტერიტორიების გარდა, საარჩევნო უბნები დილის 7 საათზე გაიხსნა, მოქალაქეებმა კი ხმის მიცემა 8 საათიდან დაიწყეს. საქართველოს მოსახლეობა დღეს ქალაქის მერებსა და საკრებულოებს ირჩევს.