აშშ-ის სახელმწიფო დეპარტამენტმა უკრაინის მთავრობისთვის შორი რადიუსის ზუსტი დამიზნების ბომბების (JDAM-ER) პოტენციურ მიყიდვაზე გასცა ნებართვა. პაკეტის სავარაუდო ჯამური ღირებულება $373.6 მლნ-ია. ინფორმაციას აშშ-ის სახელმწიფო დეპარტამენტი ავრცელებს.

უკრაინის მთავრობამ მოითხოვა 1 200 ერთეული KMU-572 და 332 ერთეული KMU-556 ტიპის JDAM-ის შესყიდვა მოითხოვა. ხელშეკრულება ასევე მოიცავს, ისეთ თანმდევ კომპონენტებს, როგორიცაა FMU-139 ტიპის ამფეთქებლებს, JDAM-ის მხარდასაჭერ აღჭურვილობას, სათადარიგო ნაწილებს, აქსესუარებს, ტექნიკურ დოკუმენტაციას, პროგრამულ უზრუნველყოფასა და აშშ-ს მთავრობისა და მისი კონტრაქტორების საინჟინრო, ტექნიკურ და ლოჯისტიკურ მხარდაჭერას.

"აღნიშნული ხელშეკრულება ხელს შეუწყობს ამერიკის შეერთებული შტატების საგარეო პოლიტიკისა და ეროვნული უსაფრთხოების მიზნების მიღწევას ისეთი პარტნიორი ქვეყნის უსაფრთხოების განმტკიცების გზით, რომელიც ევროპაში პოლიტიკური სტაბილურობისა და ეკონომიკური პროგრესის მნიშვნელოვან ძალას წარმოადგენს.

შემოთავაზებული შეიარაღება გააძლიერებს უკრაინის შესაძლებლობებს არსებული და სამომავლო საფრთხეების მოსაგერიებლად, რაც ქვეყანას თავდაცვისა და რეგიონული უსაფრთხოების მისიების უფრო ეფექტურად შესრულების საშუალებას მისცემს.", — ნათქვამია განცხადებაში.