საქართველოს ბანკმა ინვესტირების შესაძლებლობები გააფართოვა და მობილბანკში კიდევ ერთი ინოვაციური ინსტრუმენტი დაამატა — მომხმარებლებს უკვე მსოფლიოს 50 ყველაზე მსხვილი საბაზრო კაპიტალიზაციის კრიპტოს შეძენა და გაყიდვა პირდაპირ მობილბანკიდან შეუძლიათ.

კრიპტოთი ვაჭრობის მოდული მობილბანკში განთავსებულია პროდუქტების გვერდზე, ინვესტიციების სივრცესთან ერთად, რის შედეგადაც ინვესტირება კიდევ უფრო მარტივი და ინტუიციური ხდება.

ახალი პროდუქტი პორტფოლიოს დივერსიფიცირების გზა და ინვესტირების დამატებითი შესაძლებლობაა მათთვის, ვისაც სურს ტრადიციულ ფინანსურ ინსტრუმენტებთან ერთად, ინოვაციური ციფრული აქტივების შესყიდვაც.

კრიპტოში ინვესტირების დასაწყებად პირველ ჯერზე საჭიროა შესაბამის პირობებზე თანხმობა.

მობილბანკში კრიპტოს შეძენა შესაძლებელია ნებისმიერი თანხით — $1-დან, რაც მომხმარებელს შესაძლებლობას აძლევს, ინვესტირება ეტაპობრივად, საკუთარი სტრატეგიის შესაბამისად დაიწყოს.

კრიპტოს ყიდვა შესაძლებელია პირდაპირ საბანკო ანგარიშიდან, გაყიდვის შემთხვევაში კი თანხა ავტომატურად ჩაირიცხება იმავე საბანკო ანგარიშზე.

კრიპტოს სივრცეში მომხმარებელს დახვდება:

  • ტოპ კრიპტოები ზრდის პროცენტული ცვლილების მიხედვით;
  • ფავორიტებში დამატების შესაძლებლობა;
  • საკუთარი პორტფელი;
  • ტრანზაქციების ისტორია;
  • აღმოჩენის ტაბი, სადაც პლატფორმაზე ხელმისაწვდომი ყველა კრიპტოა თავმოყრილი.

საქართველოს ბანკი, როგორც მსოფლიოში საუკეთესო ციფრული ბანკი, განაგრძობს 1 800 000 მომხმარებლისთვის თანამედროვე ინსტრუმენტების შეთავაზებას, რომელთა საშუალებით ინვესტირების პროცესი უფრო მოქნილი, ხელმისაწვდომი და პერსონალიზებული ხდება.

*ეს არ არის ფინანსური რჩევა.