ფეხბურთის მსოფლიო ჩემპიონატში (FIFA World Cup 2026) მონაწილე ქვეყნების ეროვნული დროშებით გაფორმებული სპეციალური საკოლექციო შეფუთვა კოკა-კოლასგან. კომპანია — კოკა-კოლა ბოთლერს ჯორჯია — საქართველოში ფეხბურთის გულშემატკივრებს სპეციალური, ლიმიტირებული გამოშვების კოკა-კოლას საკოლექციო ქილებს FIFA World Cup 2026-ის კამპანიის ფარგლებში სთავაზობს.

სპეციალური გამოშვების კოკა-კოლა კლასიკისა და უშაქრო კოკა-კოლას — Coca-Cola Classic და Coca-Cola Zero Sugar — ქილები მსოფლიო ჩემპიონატში მონაწილე ქვეყნების ეროვნული დროშებით გაფორმდა. ესპანეთის, საფრანგეთის, გერმანიის, ინგლისის, ბრაზილიისა და არგენტინის ეროვნულ დროშებს კოკა-კოლა კლასიკის ქილებზე შეხვდებით, პორტუგალიისა და ნიდერლანდების დროშები კი, უშაქრო კოკა-კოლას ქილებზე დაგხვდებათ.

კოკა-კოლას საკოლექციო ქილები ეროვნული დროშებით გლობალური კამპანიის ნაწილია, რომელიც მსოფლიო ჩემპიონატს ეძღვნება და შეფუთვის გამორჩეული დიზაინით ფეხბურთის საერთაშორისო ზეიმში გულშემატკივრების კიდევ უფრო აქტიურად ჩართვას ისახავს მიზნად.

გულშემატკივრებს შეეძლებათ, შეაგროვონ და გააზიარონ სხვადასხვა ქვეყნის დროშებით გაფორმებული ქილები, როგორც მსოფლიო ჩემპიონატის ემოციური გამოცდილების ნაწილი, რომელიც მილიონობით ადამიანს აერთიანებს.

დროშების დიზაინის კონცეფცია ეფუძნება იდეას, რომ კოკა-კოლას პროდუქტები საკოლექციო ნივთებად გადაიქცეს, რომლებიც ფეხბურთის ძალით გადმოსცემს ერთიანობისა და საერთო სიხარულის ემოციას.

კოკა-კოლა უკვე საუკუნეზე მეტია მხოლოდ გამაგრილებელი სასმელი არ არის — ის ოპტიმიზმის, გაზიარებული მომენტებისა და ერთად ყოფნის სიმბოლო გახდა, რომელსაც თან მრავალფეროვანი და დაუვიწყარი გამოცდილება ახლავს. FIFA World Cup 2026-ის მოლოდინში და მისი მიმდინარეობისას კომპანია საკუთარი მისიის შესრულებას გააგრძელებს — გააერთიანოს გულშემატკივრები და მსოფლიო საფეხბურთო დღესასწაული კიდევ უფრო განსაკუთრებული გახადოს, მათ შორის საქართველოში.

კოკა-კოლას ახალი საკოლექციო შეფუთვა ფეხბურთის ქართველი გულშემატკივრებისთვის უკვე ხელმისაწვდომია.

FIFA World Cup 2026-ის შესახებ

ფეხბურთის ყველაზე დიდი ჩემპიონატი — FIFA World Cup 2026 — 11 ივნისიდან 19 ივლისამდე პერიოდში გაიმართება. ჩემპიონატს სამი ქვეყნის — ამერიკის შეერთებული შტატების, მექსიკისა და კანადის — 16 ქალაქი უმასპინძლებს.

ფეხბურთში 2026 წლის მსოფლიო ჩემპიონატი ბევრი თვალსაზრისით განსაკუთრებულია: ეს იქნება პირველი ტურნირი, რომელსაც სამი ქვეყანა ერთობლივად მასპინძლობს; მსოფლიო ჩემპიონატზე ასევე პირველად მონაწილეობას 48 ეროვნული ნაკრები მიიღებს. ეს არის პირველი მსოფლიო ჩემპიონატი, რომელსაც 2002 წლის შემდეგ რამდენიმე ქვეყანა ერთობლივად მასპინძლობს.