"ჩვენ იმდენად გავასუფთავეთ სისტემა, გავწმინდეთ სისტემა, მათ შორის გაუმჯობესდა პროცედურები, რომ ვერავის მოაქვს ერთი ფაქტიც კი, რომელიც უკავშირდება კორუფციას", — ამის შესახებ ირაკლი კობახიძემ ჟურნალისტებთან საუბრისას განაცხადა. მისი განმარტებით, პასუხისმგებლები არიან, რომ დღეს ყველა სამინისტრო, ყველა სახელმწიფო საწარმო მუშაობს აბსოლუტურად სუფთა პრინციპით.

"თუ ვინმე მოიტანს ერთ ფაქტსაც კი, რომელიც უკავშირდება სამინისტროების მოქმედ ხელმძღვანელობას, სახელმწიფო საწარმოების მოქმედ ხელმძღვანელობას და მათ მიერ ჩადენილ რაიმე კორუფციულ გადაცდომას, ერთ ფაქტსაც თუ მოიტანენ, ყველას გპირდებით, რომ რეაგირება იქნება მყისიერი. თუმცა ჩვენ ვართ პასუხისმგებელი იმაზე, რომ დღეს ყველა სამინისტრო, ყველა სახელმწიფო საწარმო მუშაობს აბსოლუტურად სუფთა პრინციპით. ეს არის ჩვენი პასუხისმგებლობა.

შესაბამისად, კიდევ ერთხელ მოვუწოდებთ ყველას, ზეპირად საუბრობენ რაღაც თემებთან დაკავშირებით, ერთი ფაქტი მოიტანონ ნებისმიერი უწყებიდან, ნებისმიერი სახელმწიფო საწარმოდან, კორუფციასთან დაკავშირებული და მყისიერი რეაგირება გვექნება. ჩვენ იმდენად გავასუფთავეთ სისტემა, გავწმინდეთ სისტემა, მათ შორის გაუმჯობესდა პროცედურები, რომ ვერავის მოაქვს ერთი ფაქტიც კი, რომელიც უკავშირდება კორუფციას.

თქვენ ხედავთ, რომ კონკრეტული სისხლის სამართლის საქმეები აღიძრა. რიგ საქმეებზე უკვე დამდგარია განაჩენი. შესაბამისი უწყებები, რა თქმა უნდა, იძიებენ შესაბამის საქმეებს", — განაცხადა მთავრობის მეთაურმა, ირაკლი კობახიძემ ჟურნალისტებთან საუბრისას.