სტატია შეცავს სპოლერებს House of the Dragon-ის მესამე სეზონიდან.

დიდხნიანი ლოდინის შემდეგ House of the Dragon-ის პრემიერა შედგა და მხოლოდ პირველმა სერიამ უკვე რამდენჯერმე გაგვაკვირვა. ერთ-ერთი ასეთი მომენტი კი ეიმონდისა და ალისენტის კოცნა იყო. ვინ იფიქრებდა? თუმცა, როგორ აღმოჩნდა, ეიმონდის პერსონაჟის ეს ქცევა ბევრს არ გაჰკვირვებია, მათ შორის, არც თავად იუენ მიტჩელს.

მიტჩელის თქმით, ეს კოცნა დიდი ხნის განმავლობაში მწიფდებოდა სამეფო ოჯახის "სათადარიგო" ვაჟისთვის, რომელმაც უფროსი ძმის გაქცევის შემდეგ "მწვანეების" მართვა გადაიბარა, ბოლოს კი პერსონაჟისთვის სათანადო მომენტიც დადგა.

"როცა სცენარში კოცნის შესახებ პირველად ამოვიკითხე, მეუცნაურა. თუმცა, დედასთან დაკავშირებული კომპლექსების გავითვალისწინებთ, ყოველთვის ვიცოდი, რომ ეიმონდი ამაზე წამსვლელი იყო. ასე რომ, დიდად არც გამკვირვებია", — განაცხადა მსახიობმა.

ფოტო: HBO

მართალია, ეიმონდისთვის სრული ძალაუფლება ჯერ კიდევ ახალია, თუმცა დედასადმი არაჯანსაღი მიჯაჭვულობა გაცილებით უფრო ადრე დაიწყო. სწორედ პირველ სეზონში ვიხილეთ დაუცველი ეიმონდი, რომელმაც თვალი დაკარგა. ამ დროს კი ალისენტმა თავგამოდებით დაიცვა შვილი და "თვალი თვალის წილ" საჯაროდ მოითხოვა.

"ალისენტი ერთადერთი იყო, ვინც ეიმონდის მხარეს იდგა. სწორედ ის უმტკიცებდა სხვებს, რომ ბავშვი ფიზიკურად დაასახიჩრეს. ეიმონდს დედის ეს საქციელი არასდროს დავიწყებია. მას მუდამ სურდა, ამისთვის როგორმე მადლობა გადაეხადა", — დასძინა მიტჩელმა.

რაც შეეხება ინცესტს, ჯორჯ მარტინის სამყაროსთვის და კონკრეტულად ტარგარიენების დინასტიისთვის ეს უცხო ხილი ნამდვილად არ არის, მაგრამ დედა-შვილს შორის მსგავსი კავშირი მაყურებლისთვისაც დიდი მოულოდნელობა იყო.

House of the Dragon-ის შემდეგ ეპიზოდს 28 ივნისს ვიხილავთ.

ასევე იხილეთ: