ბაზისბანკი მუდმივად უჭერს მხარს ქვეყანაში ტექნოლოგიური პროგრესისა და ინოვაციური იდეების განვითარებას. ამჯერად, საქართველოს ინოვაციებისა და ტექნოლოგიების სააგენტოს (GITA) ორგანიზებითა და ბაზისბანკის მხარდაჭერით, ზუგდიდის ტექნოპარკში აგრო-ჰაკათონი AgriHack 2026 გაიმართა.

AgriHack 2026 მიზნად ისახავდა აგროსექტორში ინოვაციების განვითარებას, ახალგაზრდების ჩართულობის გაზრდასა და ისეთი ტექნოლოგიური გადაწყვეტილებების შექმნას, რომლებიც სოფლის მეურნეობის თანამედროვე გამოწვევების დაძლევას შეუწყობს ხელს.

ქვეყნის სხვადასხვა რეგიონიდან შეკრებილი 60 ახალგაზრდა ორი დღის განმავლობაში მუშაობდა აგროსექტორში არსებული რეალური გამოწვევების ინოვაციურ და ტექნოლოგიურ გადაწყვეტაზე.

ჰაკათონის ფარგლებში მონაწილე გუნდებმა შექმნეს პროტოტიპები, რომლებიც დემო დღეზე ჟიურის წარუდგინეს. საკუთარი ინოვაციური აგროტექნოლოგიური იდეებისა და პროტოტიპების პრეზენტაციის შემდეგ გამარჯვებულებიც გამოვლინდნენ. ბაზისბანკის რჩეული გუნდი ფულადი პრიზით დაჯილდოვდა.

ბაზისბანკი აქტიურად უჭერს მხარს ინიციატივებსა და პროექტებს, რომლებიც ქვეყანაში აგროსექტორის განვითარებას უწყობს ხელს და მომავალშიც განაგრძობს მსგავსი პროექტების მხარდაჭერას.