ირაკლი კობახიძის თქმით, თელავში სტიქიასთან დაკავშირებით "შესაბამისი უწყებები" დაადგენენ, რამდენად სწორად იყო გაცემული მშენებლობის ნებართვა. კობახიძემ დასძინა, რომ "არასწორად იყო გაცემული ნებართვები რამდენიმე კომერციულ ობიექტებზე, რამაც გაამძაფრა ეს პრობლემა".

"ნამდვილად არასწორად იყო გაცემული მშენებლობის ნებართვა, მე ასე მიმაჩნია, თუმცა დანარჩენს შესაბამისი უწყებები დაადგენენ ასეთი მოვლენებისგან მომავალში მაქსიმალურად უნდა იყოს დაზღვეული თითოეული ქალაქი და ყველა ზომა იქნება მიღებული იმისათვის, რომ თელავი მაქსიმალურად იყოს დაცული მომავალში ასეთი ტიპის მოვლენებისგან," — განაცხადა კობახიძემ თელავის სტიქიაზე.

12 ივლისს ქალაქ თელავში მოსული უხვი ნალექის შედეგად მდინარე თელავის ხევმა კალაპოტი გაარღვია და ღვარცოფულმა ნაკადმა ქალაქის რამდენიმე ქუჩა დატბორა. გარემოს ეროვნული სააგენტოს პირველადი შეფასებით, ნალექების რაოდენობამ თელავის სადგურზე 57.3 მმ შეადგინა, რაც თელავისთვის თვის ნორმის 85%-ს შეადგენს, ხოლო იყალთოს სადგურზე 40.1 მმ.