"პოზიციაზე დანიშვნიდან 10 თვის შემდეგ, საქართველოს ელჩი გერმანიაში, ალექსანდრე კარტოზია პრეზიდენტ ფრანკ-ვალტერ შტაინმაიერს გადასცემს რწმუნებათა სიგელებს" — ამის შესახებ ინფორმაციას "რადიო თავისუფლება" გერმანიის პრეზიდენტის ადმინისტრაციის ვებსაიტზე დაყრდნობით ავრცელებს.

გერმანიის ფედერაციული რესპუბლიკის პრეზიდენტის ადმინისტრაციის ვებსაიტზე გამოქვეყნებული ინფორმაციის თანახმად თანახმად, 2026 წლის 23 ივლისს "ელჩების აკრედიტაციის" ღონისძიებებია დაგეგმილი.

კარტოზია ელჩად "გერმანიის ფედერაციული რესპუბლიკის მხრიდან 2025 წლის 10 სექტემბერს გაცემული აგრემანის საფუძველზე" დაინიშნა. საგარეო უწყების განმარტებით, "საქართველოს საგანგებო და სრულუფლებიან ელჩს რწმუნებათა სიგელები გერმანიის ფედერაციული რესპუბლიკის პრეზიდენტისათვის ამ დრომდე არ გადაუცია" და ხაზი გაუსვეს, რომ "რწმუნებათა სიგელების ასლები გერმანიის ფედერალურ საგარეო უწყებას 2025 წლის 17 დეკემბერს ჩაჰბარდა".

1-ელ ივნისს პროსამთავრობო ტელეკომპანია "იმედმა" გერმანიაში საქართველოს ელჩად ალექსანდრე კარტოზიას დანიშვნის შესახებ გაავრცელა ინფორმაცია და წერდა, რომ გერმანიაში საქართველოს ელჩად 2025 წლის სექტემბერში დანიშნული კარტოზია გერმანიის მთავრობისგან აკრედიტაციის პროცედურის დასრულებას ელოდა. მთავრობის მეთაურის, ირაკლი კობახიძის შეფასებით, გერმანიის მთავრობის ეს ქმედება "ისეთივე არასერიოზული" იყო, როგორც გერმანიის ელჩი საქართველოში, პეტერ ფიშერი.