BTS-ის წევრმა V-მ ახლახან გაამჟღავნა, რომ უკვე ორ წელზე მეტია, სმენა დაუქვეითდა. ეს ინფორმაცია მომღერალმა ფანების პლატფორმა Weverse-ზე პირდაპირი ჩართვისას გააჟღერა, სადაც მასთან ერთად ჯგუფის კიდევ ერთი წევრი, ჯონგუკიც იმყოფებოდა. V-მ ხაზი გაუსვა, რომ ჯანმრთელობის მდგომარეობა სამხედრო სამსახურის პერიოდში კიდევ უფრო გაუუარესდა.

"ARMY-სთვის ეს აქამდე არასდროს მითქვამს, მაგრამ უკვე დაახლოებით ორწელიწად-ნახევარია, რაც სმენა დამიქვეითდა. თუ ერთი ყურით 100% მესმის, მეორით ხმას მხოლოდ 30%-მდე აღვიქვამ", — განაცხადა მომღერალმა.

V-მ ეს განცხადება BTS-ის დიდი ხნის ნანატრი მსოფლიო ტურნეს — Arirang World Tour-ის მსვლელობისას გააკეთა, რომელიც მომავალი წლის მარტამდე გაგრძელდება. მომღერალმა ჯარში ყოფნის პერიოდიც გაიხსენა და თქვა, რომ სმენის პრობლემა სწორედ იქ გაურთულდა.

"ჯარში მდგომარეობა ცოტათი გამირთულდა,რადგან გარშემო სულ ისეთი ხალხი მყავდა, ვინც ბევრს ვარჯიშობდა. ყველა მეუბნებოდა: 'ეს მხოლოდ ფსიქოლოგიური სიმტკიცის ამბავიაო'. ამის შემდეგ მეც დავიჯერე, რომ პრობლემა მართლაც ჩემს ფსიქოლოგიურ განწყობაში იყო", — აღნიშნა V-მ.

ლაივის დროს ჯონგუკმაც გაამჟღავნა, რომ წვივის ტრავმას აქვს, რასაც თან ახლავს ძლიერი ანთება და ძვლის მიკროდაზიანება. მიუხედავად იმისა, რომ ტკივილი სცენაზე გამოსვლებს ართულებს, ჯონგუკის თქმით, ის ტრავმას ფრთხილად მართვას, რათა მსოფლიო ტურნე უსაფრთხოდ და წარმატებით დაასრულოს.

მომდევნო თვეების განმავლობაში, BTS ბოლო 4 წელიწადში პირველ მსოფლიო ტურნეს გამართავს. ჯგუფი მსოფლიოს სხვადასხვა ქალაქს, მათ შორის ლოს-ანჯელესს, ბუენოს-აირესს, ბანგკოკს, სიდნეისა და ჰონგ-კონგს ესტუმრება.