ექსპრემიერ ირაკლი ღარიბაშვილის მიერ გავრცელებულ მორიგ წერილს რეგიონული განვითარების მინისტრის, მამუკა მდინარაძის პრესსამსახური გამოეხმაურა.

"სრული აბსურდი, რაც ირაკლი ღარიბაშვილმა გამოაქვეყნა, გუშინ გავრცელებული წერილის შინაარსიდანვე გამოირიცხა", — ციტირებს სამთავრობო ტელეკომპანია "რუსთავი 2" მამუკა მდინარაძის პრესსამსახურის კომენტარს.

შეგახსენებთ, რომ გუშინ, 18 აგვისტოს გავრცელებულ წერილში ღარიბაშვილი წერს, რომ 17 აგვისტოს გამოქვეყნებული წერილის ნაწყვეტი ივლისში მამუკა მდინარაძისგან მიიღო. რის შემდეგაც ხელისუფლებას შეუთვალა, რომ პოლიტიკაში დაბრუნებას არ აპირებდა, თუმცა "რაკი რჩებოდა 1%-იანი რისკი იმისა, რომ პოლიტიკაში დაბრუნებულიყო, აუცილებელი იყო მისთვის კორუფციული ბრალის წარდგენა და მის მიერ აღიარება". ღარიბაშვილი გავრცელებული წერილის ბოლოს წერს, რომ "სხვა გამოსავალი აღარ აქვს, იძულებულს ხდიან, დაიწყოს ბრძოლა".

შეგახსენებთ, რომ 17 აგვისტოს გავრცელებულ წერილში ექსპრემიერმა მისი და მისი ოჯახის უსაფრთხოებაზე სრული პასუხისმგებლობა ბიძინა ივანიშვილს და მთელ ხელისუფლებას დააკისრა. 18 აგვისტოს გამართულ ბირფინგზე პრემიერმა კობახიძემ განაცხადა, რომ არ იცის რაზეა საუბარი ღარიბაშვილის წერილში. რაც შეეხება ღარიბაშვილის და მისი ოჯახის წევრების უსაფრთხოებას, პრემიერის თქმით, მისი და მისი ოჯახის უსაფრთხოება დაცულია, ეს "სახელმწიფოს პასუხისმგებლობაა".

ირაკლი ღარიბაშვილის წერილზე გამოხმაურებები წაიკითხეთ აქ: