ნიკოლ კიდმანმა ტომ კრუზთან 10-წლიანი ქორწინების შესახებ Vogue-თან ინტერვიუში ისაუბრა. 59 წლის ოსკაროსანმა მსახიობმა აღნიშნა, რომ პოპულარობას მარტივად შეეჩვია, რადგან კრუზს ძალიან ახალგაზრდა, 22 წლის ასაკში, გაჰყვა ცოლად. შეგახსენებთ, რომ მათი ქორწინება 1990-დან 2001 წლამდე გაგრძელდა.

"გემახსოვრებათ, რომ ჩემი ქმრის პოპულარულობის გამო, ყურადღების ცენტრში 22 წლიდან აღმოვჩნდი. 22-23 წლის ვიყავი და უცებ კინოვარსკვლავის ცოლი გავხდი. თუმცა, ეს სრულიად ბუნებრივად მეჩვენებოდა. ჩვენ უბრალოდ სიგიჟემდე შეგვიყვარდა ერთმანეთი და სულ ეს იყო", — განაცხადა კიდმანმა.

ფოტო: Getty

კიდმანის თქმით, ბევრი ამ ნაბიჯს უწუნებდა და აფრთხილებდა, რომ მის კარიერაზე უარყოფითად აისახებოდა. "მოგვიანებით, როცა მხოლოდ კრუზის ცოლად აღმიქვამდნენ, ნიშნისმოგებით შემახსენეს ხომ გაფრთხილებდითო. მე კი ვფიქრობდი: მერე რა? საყვარელ კაცზე არ უნდა დავქორწინებულიყავი? რა თქმა უნდა, კარიერასაც მივატოვებდი, ეს ფაქტი სულაც არ მაღელვებდა", — დასძინა მსახიობმა.

კრუზმა და კიდმანმა ერთმანეთი 1990 წელს, ფილმ Days of Thunder-ის გადაღებებზე გაიცნეს და იმავე წელს დაქორწინდნენ. გარდა ამისა, მათ ერთად კიდევ სამ ფილმში ითამაშეს, ესენია: Days of Thunder, Far and Away და Eyes Wide Shut.

ტომთან დაშორების შემდეგ, კიდმანის ჰოლივუდური კარიერა კვლავ წარმატებით გაგრძელდა ისეთი ცნობილი პროექტებით, როგორებიცაა: Moulin Rouge!, The Hours, Bewitched, Big Little Lies და სხვა. 2003 წელს კი ფილმისთვის The Hours მსახიობმა ოსკარი მოიპოვა.