8 წლის მაქსიმე კახიძემ ვიდეო ჩაწერა, რომელშიც ნიუ იორკის მერს, ზოჰრან მამდანის ბრუკლინში McKinley Park-ის სათამაშო მოედნის გახსნას სთხოვდა. რამდენიმე კვირაში მოედანი შეაკეთეს და გახსნეს. სათამაშო მოედნის გახსნაზე მაქსიმეც მიიწვიეს. მან თავის სიტყვაში მადლობა გადაუხადა მერს და აღნიშნა, რომ "ბავშვებს სათამაშოდ უსაფრთხო და მხიარული გარემო სჭირდებათ".

"ჩემი სახელია მაქსიმე და ძალიან მიხარია, რომ დღეს აქ ვარ. გმადლობთ, გმადლობთ მერ მამდანის მიწვევისთვის, ძალიან ვაფასებ.

გინდათ გაიგოთ, როგორ აღმოვჩნდი აქ? დაახლოებით ორი თვის წინ ჩავწერე ვიდეო, სადაც მერ მამდანის ვთხოვდი, დახმარებოდა მაკ-კინლის პარკში სათამაშო მოედნის გახსნაში. ის თითქმის ორი წლის განმავლობაში დახურული იყო. მაგრამ იცით, რა მოხდა? რამდენიმე კვირის შემდეგ პარკი საბოლოოდ გაიხსნა.

ასე რომ, მადლობა მერ მამდანის და ნიუ-იორკის პარკების სამსახურს ჩემი მოსმენისთვის. ძალიან ვაფასებ ამას. ძალიან მიყვარს, როცა პარკები ღიაა, რადგან ბავშვებს სათამაშოდ უსაფრთხო და მხიარული გარემო სჭირდებათ.

ჩემი მშობლები ყოველთვის მეუბნებოდნენ, რომ ჩემს ხმას მნიშვნელობა აქვს, და მინდა მადლობა გადავუხადო მათ ჩემი რწმენისთვის და იმისთვის, რომ მამხნევებდნენ, ხმა ამემაღლებინა. ასევე მინდა სხვა ბავშვებმაც იცოდნენ, რომ თქვენს ხმასაც აქვს მნიშვნელობა! თუ ხედავთ, რომ რაიმეს შეცვლაა საჭირო, არასდროს შეგეშინდეთ ხმის ამოღების.
მადლობა Renew-ის გუნდს და თითოეულ წევრს, ვინც ბევრს შრომობს, რათა ნიუ-იორკი საცხოვრებლად უკეთეს ადგილად აქციოს. და მადლობა, მერო მამდანი. მოდით, იყოს ნიუ-იორკის პარკების ღია ბავშვებისთვის!", — თქვა მაქსიმე კახიძემ სათამაშო მოედნის გახსნის ცერემონიაზე.

თავის სიტყვაში ნიუ იორკის მერმა ზოჰრამ მამდანიმ მაქსიმეს "ნიუ-იორკის ერთ-ერთი მთავარი დამცველი უწოდა ყველასთვის უკეთესი სათამაშო მოედნების შექმნის საქმეში".

"ჩვენთან ერთად არის მაქსიმე — ნიუ-იორკის ერთ-ერთი მთავარი დამცველი ყველასთვის უკეთესი სათამაშო მოედნების შექმნის საქმეში. ასევე ჩვენთან არიან მაქსიმის დედა და მაქსიმის მამა.

ასევე ესწრებიან Forest Park Trust-ის წარმომადგენლები, ჩვენი "ქუინსის 5-ე საზოგადოებრივი საბჭოს“ (Queens Community Board 5) რაიონული მენეჯერი გერი ჯორდანო, ამავე საბჭოს თავმჯდომარე უოლტერ სანჩესი... და მოდით, აპლოდისმენტებით მივესალმოთ პარკების იმ წარმოუდგენლად მაგარ თანამშრომლებს, რომლებიც დღეს ჩვენთან ერთად არიან!", — თქვა ნიუ იორკის მერმა.