ტრამპის ადმინისტრაციამ, საიმიგრაციო პოლიტიკის გამკაცრების კამპანიის ფარგლებში, ვიზის განაცხადების მიღება მთელ მსოფლიოში შეაჩერა. სახელმწიფო დეპარტამენტის პრესსპიკერმა სამშაბათს, 25 აგვისტოს, განაცხადა, რომ უწყებამ აშშ-ის საელჩოებსა და საკონსულოებში პერსონალის გადამზადება დაიწყო, რის გამოც სამუშაო განრიგი შეიცვლება. ინფორმაციას Deutsche Welle ავრცელებს.

Reuters-ის ცნობით, სახელმწიფო დეპარტამენტს ტრენინგის დეტალებსა და ვადებზე დამატებითი განმარტება არ გაუკეთებია. უწყებაში აღნიშნეს, რომ პროცესის მიზანია საკონსულო ოფიცრებს იმ აპლიკანტების გამოვლენაში დაეხმარონ, რომლებიც შესაძლოა აშშ-ის სახელმწიფო დახმარებებზე დამოკიდებულნი გახდნენ და უზრუნველყონ ვიზის მაძიებელთა "სრულყოფილი და თანმიმდევრული" შეფასება.

Financial Times მანამდე წერდა, რომ საიმიგრაციო ვიზის იმ აპლიკანტებმა, რომელთაც გასაუბრება აშშ-ის საელჩოებსა და საკონსულოებში უკვე დანიშნული ჰქონდათ, მიიღეს შეტყობინებები შეხვედრების გადადების შესახებ. წერილების თანახმად, ახალი თარიღების შესახებ მათ მოგვიანებით აცნობებენ.