სახალხო დამცველი მედიაში სასულიერო პირის ცემასთან დაკავშირებით გავრცელებულ ინფორმაციას ეხმაურება და მოუწოდებს პროკურატურას, დაუყოვნებლივ გამოიძიოს მომხდარი და უზრუნველყოს სასულიერო პირის უსაფრთხოება.

ამასთან, ომბუდსმენი განმარტავს, რომ საგამოძიებო პროცესში არ უნდა მონაწილეობდნენ ის პოლიციელები, რომელთა მიმართაც არსებობს ძალადობის ვარაუდი:

"სახელმწიფოს ვალია განსაკუთრებული ყურადღებით, დროულად და მიუკერძოებლად გამოიძიოს თითოეული შემთხვევა, სადაც პოლიციის მხრიდან უფლებასმოსილების გადამეტების ვარაუდი არსებობს".

თავის მხრივ, შინაგან საქმეთა სამინისტრო უარყოფს მედიაში გავრცელებულ ინფორმაციას იმის შესახებ, რომ პოლიციის თანამშრომლებმა ლანჩხუთის რაიონის აცანეს ეკლესიის წინამძღვარს სცემეს. უწყების ინფორმაციით, 26 ივნისს, დილით, აღნიშნული პირი პატრულმა იმიტომ გააჩერა, რომ გადაჭარბებული სიჩქარით მოძრაობდა.