საქართველოს ჯანდაცვის მინისტრის მოადგილემ, ზაზა სოფრომაძემ თანამდებობა დატოვა. ჯანდაცვის სამინისტროს ინფორმაციით, სოფრომაძემ სამინისტროდან წასვლის გადაწყვეტილება პირადი განცხადების საფუძველზე მიიღო.

ჯანდაცვის სამინისტროს ახალი მოადგილეები ჰყავს.

მინისტრის პირველი მოადგილის თანამდებობას პროფესორი ზაზა ბოხუა დაიკავებს, რომელიც ამ დრომდე თბილისის სახელმწიფო სამედიცინო უნივერსიტეტის დიპლომისშემდგომი სამედიცინო განათლებისა და უწყვეტი პროფესიული განვითარების ინსტიტუტის დირექტორი იყო.

ჯანდაცვის მინისტრის კიდევ ერთი ახალი მოადგილე - მიხეილ დუნდუა იქნება. იგი, ამავდროულად, სოციალური მომსახურების სააგენტოს უხელმძღვანელებს. მიხეილ დუნდუა დღემდე თბილისის სახელმწიფო უნივერსიტეტის ანალიზისა და პროგნოზირების ცენტრის აღმასრულებელი დირექტორი იყო. მან ამ პოზიციაზე ზაზა სოფრომაძე შეცვალა.

ზაზა ბოხუა და მიხეილ დუნდუა უფლებამოსილების განხორციელებას უკვე შეუდგნენ.