პირველი ნოემბრიდან რეგისტრაციის გავლის გარეშე ტაქსით მომსახურება უნებართვო საქმიანობად ჩაითვლება და 200 ლარით დაჯარიმებას გამოიწვევს. ამის შესახებ თბილისის მერის მოადგილემ მაია ბითაძემ ჟურნალისტებს განუცხადა.

მისი თქმით, მოარული ხმები იმასთან დაკავშირებით, რომ ტაქსების ნებართვიანობა ტაქსის მძღოლების გადასახადებით დაბეგვრას გულისხმობს სრული სიცრუეა.

"არანაირი ახალი გადასახადი არ იქნება. ყველა ის შეღავათიანი სარეჟიმო სისტემა, რაც მიკრობიზნესისთვის არის დღეს, არის მოქმედი, შენარჩუნდება ტაქსტის მძღოლებისთვის", - განაცხადა მაია ბითაძემ.

მერის მოადგილემ განმარტა, რომ ლიცენზიისთვის საჭიროა პირადობის დამადასტურებელი მოწმობა, ერთჯერადი მოსაკრებლის შეტანა დაახლოებით 50 ლარის ოდენობით.

"ეს არის ერთჯერადი გადასახადი, ფაქტობრივად, ფურცლის ფულია. ჰიბრიდული ავტომობილებისთვის გადასახადი იქნება 50% სრული გადასახადის, ხოლო ელექტრომობილებისთვის უფასო, ჩვენ ამით ვახალისებთ ამ მიმართულებას და სხვა სანებართვო პირობა არ იქნება", - განაცხადა მაია ბითაძემ.

გაიგე მეტი: ცვლილებები ტაქსებისთვის და ტრანზიტებისთვის - საგზაო მოძრაობის ახალი რეგულაციები