ქრთამის მიცემის ბრალდებით სახელმწიფო უსაფრთხოების სამსახურის ანტიკორუფციულმა სააგენტომ ერთი პირი დააკავა.

უწყების ცნობით, დაკავებულმა გარემოს დაცვისა და სოფლის მეურნეობის სამინისტროს თანამშრომელს ინერტული მასალების უკანონოდ მოპოვებაში დახმარების სანაცვლოდ, ქრთამის სახით 10 000 ლარი შესთავაზა. გამოძიების განმარტებით, სააგენტოს თანამშრომლებმა მოქალაქე თანხის ნაწილის გადაცემის მომენტში დააკავეს.

გამოძიება საქართველოს სისხლის სამართლის კოდექსის 339-ე მუხლით დაიწყო. ამ მუხლით, ქრთამის მიცემისთვის ოთხიდან შვიდ წლამდე პატიმრობაა გათვალისწინებული.