ქართული ოცნების დეპუტატმა, მამუკა მდინარაძემ ევროპული საქართველოს წევრის, გიგა ბოკერიას ანეკდოტს ანეკდოტითვე უპასუხა.

"ორი ნაციონალი ეკამათება ერთმანეთს. ერთი მეორეს ეკითხება, ნიანგი დაფრინავს თუ არაო. ის ეუბნება, ხომ არ გაგიჟდი, რა ნიანგი დაფრინავსო? მიშამ რომ თქვაო? ნუ, ახლა მთლად მტრედივით ვერ დაფრინავს, მაგრამ ისე როგორ არ დაფრინავსო, რას ლაპარაკობო", - თქვა მდინარაძემ.

მანამდე, გიგა ბოკერიამ პარლამენტში ცნობილი ანეკდოტი გაიხსენა და იუსტიციის მინისტრობის კანდიდატი თეა წულუკიანის გამოსვლა მეფე ლირს შეადარა.

"მიხვდით, ალბათ რატომ გამახსენდა უკვდავი რეიგანის ანეკდოტი. ბატონო მამუკა, დღეს ქართული ოცნების სახე და პოლიტიკური სიძულვილის განსახიერება ივანიშვილი და წულუკიანი. თუ ისევ წულუკიანს აქცევთ თქვენს სახედ, ძალიან ძვირი დაგიჯდებათ, გააკეთეთ არჩევანი".