ხუთი მეთოდი, რომლითაც საკუთარ ტელეფონს ნაკაწრებს მოაშორებთ

სმარტფონები ნაკაწრების მსხვერპლნი ხშირად ხდებიან. ამის გამომწვევი მიზეზი შეიძლება ჯიბეში ტელეფონთან ერთად ჩაყრილი ხურდა იყოს, ან გასაღები, ან ნებისმიერი სხვა რამ.

ეს არის ხუთი მეთოდი, რომლითაც შეძლებთ, რომ საკუთარ სმარტფონს გამაღიზიანებელი ნაკაწრები მოაშოროთ.

ამ ხერხების ცდამდე გამორთეთ ტელეფონი და ამოიღეთ ელემენტი (თუ შესაძლებელია), ყურსასმენისა და დამტენის ჯეკი კი დაფარეთ წებოვანი ლენტით, რათა მასში სითხე არ ჩავიდეს.

ეს ხერხები მუშაობს მხოლოდ მცირე ზომის ნაკაწრებზე, თუმცა შესაძლებელია, რომ მან დიდი ზომის ნაკაწრებიც ნაკლებად შესამჩნევი გახადოს.

1. კბილის პასტა

ამ მეთოდის გამოსაცდელად მხოლოდ სააბაზანომდე მისვლაა საჭირო, ოღონდ მნშვნელოვანია, რომ კბილის პასტა გამჭვირვალე არ იყოს.

ინსტრუქცია შემდეგია:

მცირე რაოდენობის კბილის პასტა დაიტანეთ ბამბაზე ან რბილ ნაჭერზე.
კბილის პასტა წრიული მოძრაობით ნელა წაუსვით დაჩხაპნილ ზედაპირს მანამ, სანამ ნაჩხაპნები არ გაქრება.
დარჩენილი კბილის პასტა მოაშორეთ სველი ნაჭრით.

2. სოდა

სოდა სმარტფონებიდან ნაჩხაპნების მოშორების კარგი საშუალებაა, თუმცა მისი გამოყენებისას ფრთხილად უნდა იყოთ, რათა წყლით ტელეფონი არ დააზიანოთ.

ინსტრუქცია შემდეგია:

შეურიეთ სოდა და წყალი იმ რაოდენობით, რომ მიიღოთ სქელი პასტა.
აიღეთ რბილი ნაჭერი და წრიული მოძრაობით წაუსვით ის ტელეფონს.
სველი ნაჭრით ფრთხილად მოაშორეთ დარჩენილი სოდა.

3. სახეხი ქაღალდი

სახეხი ქაღალდის, იგივე "შკურკის" გამოყენება ნაჩხაპნების მოსაშორებლად საკმაოდ რადიკალური გადაწყვეტილებაა, თუმცა მისით ნაჩხაპნების მოშორება მართლაც შეიძლება. სასურველია, რომ ეს მეთოდი მხოლოდ სმარტფონის უკანა ზედაპირზე გამოვიყენოთ, ეკრანსა და კამერას კი არ შევეხოთ.

აუცილებელია, რომ გამოვიყენოთ ყველაზე წვრილი, ნაზი ტიპის სახეხი ქაღალდი და არ გამოვიყენოთ გადამეტებული ძალა.

შენიშვნა: ამ მეთოდის არასწორად გამოყენების შემთხვევაში შესაძლებელია, რომ ტელეფონი უფრო მეტად დააზიანოთ.

4. საბავშვო პუდრი

თუ საბავშვო პუდრს წყალს დაამატებთ მიიღებთ სქელ პასტას, რომლითაც შესაძლებელია ნაჩხაპნები გააქროთ. გამოიჩინეთ სიფრთხილე, რომ წყალმა ტელეფონი არ დააზიანოს.

5. მანქანის გასაპრიალებელი პასტა

მანქანებისთვის შექმნილი გასაპრიალებელი და ნაკაწრების ამომყვანი საშუალებების გამოყენება სმარტფონზეც შეგიძლიათ. დაიტანეთ პასტა სუფთა, რბილ ნაჭერზე და ფრთხილად გაწმინდეთ დაჩხაპნილი ზედაპირი.

ბოლო ამბები:

გირჩევთ