საქართველოს სახალხო დამცველი, ნინო ლომჯარია ეთანხმება არასამთავრობო სექტორს და აცხადებს, რომ საპრეზიდენტო არჩევნების მეორე ტური შაბათ-კვირას უნდა დანიშნულიყო. ომბუდსმენის განცხადებით, პრობლემა არა მარტო ემიგრანტების მიერ ხმის მიცემა, არამედ შიდა მიგრაციაა.

"ასევე უნდა გავითვალისწინოთ, რომ ქვეყანაში არსებობს საკმაოდ მაღალი შიდა მიგრაციაც და მოქალაქეებს შორ დისტანციაზე წასვლა უწევთ, რათა ხმა მისცენ იქ, სადაც რეგისტრირებული არიან. ამის საშუალებაა, სწორედ, შაბათ-კვირას უფრო არის ვიდრე ერთი დღის განმავლობაში თუნდაც ეს ერთი დღე გამოცხადდეს უქმედ", — აცხადებს სახალხო დამცველი.

მისი თქმით, არჩევნებში მაღალი მონაწილეობის უზრუნველსაყოფად, "საარჩევნო უფლების რეალიზაციის თვალსაზრისით უკეთესი იქნებოდა არჩევნები შაბათ-კვირას დანიშნულიყო".

ცენტრალურმა საარჩევნო კომისიამ გადაწყვეტილება მიიღო და საპრეზიდენტო არჩევნების მეორე ტური სამუშაო დღეს, 28 ნოემბერს დანიშნა. მიუხედავად სხდომის რამდენიმე წევრის წინააღმდეგობისა, ცესკომ გადაწყვეტილება არ შეცვალა. მანამდე საარჩევნო ადმინისტრაციას არჩევნების შაბათ-კვირას დანიშვნისკენ მოუწოდა არასამთავრობო სექტორმაც. მათ ის პრობლემებიც დაასახელეს, რასაც არჩევნების სამუშაო დღეს დანიშვნა გამოიწვევდა.

ამავე თემაზე: