ხელისუფლების მხარდაჭერილი კანდიდატის, სალომე ზურაბიშვილის სახელით სხვადასხვა ქსელის აბონენტები შეტყობინებებს იღებენ. ქართული ოცნების პრესსამსახურში On.ge უთხრეს, რომ ამ შეტყობინებების გაგზავნა საპრეზიდენტო კანდიდატის საარჩევნო შტაბიდან არის დაფინანსებული.

"არა ნაცებს! არა ბოროტებას! ხვალ, 28 ნოემბერს გააკეთე შენი პრინციპული არჩევანი! მოდი არჩევნებზე! შემოხაზე 48!" — ვკითხულობთ შეტყობინებებში.

ამ შეტყობინებების გაგაზავნამდე ქალაქში ამავე შინაარსის ბანერები გამოჩნდა. მაშინ სალომე ზურაბიშვილმა და მმართველმა პარტიამ კამპანიის დაფინანსება უარყვეს, თუმცა ქართულ ოცნებაში აღნიშნეს, რომ ინფორმირებულები იყვნენ.

სალომე ზურაბიშვილი პირველი ტურის საარჩევნო კამპანიის დროს მუდმივად ამბობდა, რომ მისი ოპონენტები გაერთიანებული ოპოზიციიდან არაევროპული კამპანიის ჩატარებაში ადანაშაულებდა.