საქართველოს პრეზიდენტმა, გიორგი მარგველაშვილმა საპრეზიდენტო არჩევნებში რამდენიმე წუთის წინ მიიღო მონაწილეობა. მან მადლობა გადაუხადა ამომრჩევლებს არჩევნებში მონაწილეობისთვის, სხვებს კი მიმართა:

"კიდევ ერთხელ მინდა მოვუწოდო საქართველოს ყველა მოქალაქეს აუცილებლად მივიდეს საარჩევნო უბნებზე დააფიქსიროს თავისი არჩევანი, ითამაშოს გადამწყვეტი როლი ხელისუფლების ფორმირების პროცესში", — აღნიშნა მარგველაშვილმა.

დღეს, 28 ნოემბერს საპრეზიდენტო არჩევნების შედეგებით გადაწყდება ვინ გახდება პრეზიდენტი ხელისუფლების მხარდაჭერილი კანდიდატი სალომე ზურაბიშვილი, თუ გრიგოლ ვაშაძე, რომელიც ნაციონალური მოძრაობის სახელით იყრის კენჭს.