გადაცემაში შეხვედრები რეგიონულ მედიასთან, ყოფილმა პრემიერმინისტრმა, ბიძინა ივანიშვილმა წინა ხელისუფლების დროს არსებული სიტუაცია, რომლის დროსაც ბიზნესმენებს თავიანთ კომპანიებს ართმევდნენ, გააკრიტიკა:

"გახსნიდი კომპანიას 2 დღეში, მაგრამ როგორც კი კვამლი ამოვიდოდა და ნახავდნენ, რომ რაღაც გაქვს, მოვიდოდნენ და დაეპატრონებოდნენ ამას".

მან ასევე აღნიშნა, რომ მიუხედავად იმისა, რომ ბიზნესის თავისუფლების კუთხით კეთების მაშინ 28 ადგილს იკავებდა, ეს ხელოვნური მაჩვენებელი იყო:

"ბიზნესის სიიოლე, საბაჟოზე ერთ ფანჯრის პრინციპი - ეს მართლაც მაშინ დაიწყო, მაგრამ ამას ფასი არ ჰქონია იმ დროს, როდესაც ტოტალურად კვამლი საიდანაც ამოვიდოდა, იმ დროს მას საგადასახადო პოლიცია მიადგებოდა თავში, ბოლოს უბრალოდ ადამიანსაც აგზავნიდნენ, შენით მოიტან თუ ციხეში შეგიშვათ და მერე მოიტან ყველაფერსო".

ივანიშვილი განმარტავს, რომ სწორედ ამიტომ საქართველოს იმჟამინდელ რეიტინგს ბიზნესის კეთების კუთხით ფასი არ ჰქონდა. ის ამბობს, რომ ხელისფულება სწორედ ამ რეიტინგით იზიდავდა ბიზნესმენებს და შემდეგ აღნიშნული კიდევ უარესს იმიჯს უქმნიდა ქვეყანას:

"ერთი ორი ბიზნესმენი საკმარისია და 2-იც იყო და 20-იც, რომლებიც გარბოდნენ ქვეყნიდან, რომლებსაც გადაუწვეს და წაართვეს ქონება, საკმარისია იმისთვის, რომ ქვეყნის იმიჯი ბოლომდე დაიმარხოს".

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.