17 მაისს ეროვნული ბიბლიოთეკის მოძრაობა "ეკვილიბრიუმი" თეთრიწყაროს მუნიციპალიტეტის სოფელ ენაგეთის სკოლას ესტუმრა და ბიბლიოთეკა მოაწყო.

"პარასკევის ეკვილიბრიუმობა და უკვე თითქმის მეათასე სოფელი. თეთრიწყაროს რაიონის სოფელ ენაგეთის სკოლას პატარა ბიბლიოთეკა მოვუწყვეთ. ეს არის ჩვენი გზა-ფრონტი და დაჟინებით გვგონია, რომ განათლება გადაგვარჩენს. განათლება გვიკარნახებს, რომ ძალადობით განსხვავებულის დაჩაგვრა სირცხვილია, რომ სამყაროს ცენტრი არის ადამიანი, ნებისმიერი ადამიანი, რომ ჩვენი ქვეყნის უკეთესი მომავლის გზა ერთმანეთის დანახვაზე და გათვალისწინებაზე გადის"- განაცხადა ეროვნული ბიბლიოთეკის გენერალურმა დირექტორმა, მოძრაობა ეკვილიბრიუმის დამფუძნებელმა გიორგი კეკელიძემ.

მოძრაობა ეკვილიბრიუმის მხარდამჭერია "გალფი".