დამოუკიდებლობის დღე 26 მაისი, არამხოლოდ საქართველოს, არამედ მსოფლიოს მასშტაბით აღნიშნა. მეგობრობისა და პატივისცემის ნიშნად სხვადასხვა ქვეყნებმა საქართველოს დროშის ფერებში გაანათეს ისტორიული შენობები, აღმართეს დროშები და გამართეს შემეცნებითი ღონისძიებები. უცხო ქვეყნის პოლიტიკოსებმა კი ოფიციალური მილოცვები მოგვიძღვნეს, მათ შორის ქართულ ენაზეც.

საუდის არაბეთი

საუდის არაბეთში რიადის Kingdom Tower საქართველოს დროშის ფერებში განათდა.

ესპანეთი

მადრიდში საქართველოს დროშის ფერებში განათდა ვილა რეალის ემბლემატური შენობა .

ბელგია

ტრადიციულად, ჩოხით შეიმოსა ბრიუსელის მთავარი სიმბოლო მანეკენ პისი.

ბრაზილია

რიო-დე-ჟანეიროში საქართველოს დროშის ფერებში განათდა ქრისტეს ქანდაკება.

თურქეთი

სტამბოლის ხიდი საქართველოს დროშის ფერებში განათდა.

ანკარის ანძაზე კი თურქულ და ინგლისურ ენაზე დაიწერა: გილოცავთ დამოუკიდებლობის დღეს.

ირლანდია

საქართველოს სახელმწიფო დროშები გამოიფინა დუბლინის ცენტრში.

ასევე, დროშის ფერებში განათდა ქალაქის ცენტრში მდებარე კონგრესის ცენტრი.

ლიეტუვა

ვილნიუსში საქართველოს დროშის ფერებში განათდა ქალაქის ცენტრში მდებარე ისტორიული ხიდი და ლუკიშკიოს მოედანზე აღიმართა საქართველოს დროშები.

ამასთანავე, კაუნასში საქართველოს დროშის ფერებში განათდა ისტორიული ქრისტეს აღდაღდგომის ტაძარი.

ლიეტუვის პარლამენტმა კი ქართულ ენაზე მოგვილოცა.

აშშ

ამერიკის შეერთებული შტატების პრეზიდენტმა, დონალდ ტრამპმა საქართველოს პრემიერ-მინისტრს მამუკა ბახტაძეს ოფიციალურად მიულოცა.

ქალაქ ფილადელფიაში საზეიმო ვითარებაში აღიმართა საქართველოს დროშა და გაიმართა კონცერტი.

ცერემონიის ფარგლებში ფილადელფიის მერმა ხელი მოაწერია პროკლამაციას, რომლის მიხედვითაც 24 მაისი საქართველოს დამოუკიდებლობის დღის აღსანიშნავ დღედ გამოაცხადდა.

ესტონეთი

ტალინში საქართველოს დროშის ფერებში განათდა ვირუს მოედანზე მდებარე საელჩოს შენობა.

სომხეთი

ერევანში საქართველოს დროშები გამოჩნდა არაერთ შენობაზე.

ასევე, სომხეთის პრემიერ-მინისტრმა, ნიკოლ პაშინიანმა ქართულენოვანი მილოცვა გაავრცელა.

სომხეთის პირველმა სპიკერმა კი ვიდეო ჩაწერა, რომელშიც საქართველოს მოსახლეობას ქართულ ენაზე ულოცავს.

დიდი ბრიტანეთი

დიდი ბრიტანეთის დედოფალმა, ელისაბედ II-მ ოფიციალური მილოცვა გაავრცელა.

ევროკავშირი

ევროკავშირის ელჩმა, კარლ ჰარცელმა საქართველოს ეროვნული დღესასწაული იმ ადგილიდან მიულოცა, საიდანაც 101 წლის წინ ეროვნულმა ყრდილობამ დამოუკიდებლობა გამოაცხადა.